Suro-Suro 9:18 - Kaili Ledo

¹⁸ Naupu i Ananias notesa haitu, kaliu-liu nanavu anu eva ruke bau lako ri mata i Saulus sampe nekita mpanjilimo ia. Naupu haitu, nembangumo i Saulus bo nidiu, tandana niparasayanamo i Yesus.

Suro-Suro 9:18 ပူးပေါင်းရင်းမြစ်များ

Suro-Suro 2:38

Nesanamo i Petrus, “Kajeamo lako ri dosa-dosamiu, bo komiu kana radiu saito-saito, tandana komiu nomparasaya i Yesus Kristus, bo Alatala mombaampungi komiu bo mombadekei Nosa GasaNa ka komiu.

Suro-Suro 2:41

Naupu nangepe tesa i Petrus, nantambaimo kadea ntona nomparasaya i Yesus, bo ira nidiu, tandana ira topangoseaka Ia. Bo ri eo haitu tona nomparasaya i Yesus natetambai talu-njobu kadeana.

Suro-Suro 22:13

Ia nakava neangga ri sinjoriku bo nanguli, ‘Sampesuvuku Saulus, bulamo matamu. Iko mekita mpanjili.’ Kaliu-liu nabelomo mataku bo nikitaku i Ananias.

Suro-Suro 22:16

Jadi, nuapa vai nipopeamu? Peanggamo, dekeimo karomu radiu, tandana iko nangoseaka i Yesus. Pekakaimo nte i Yesus ala raampungiNa dosamu.’ ”

Suro-Suro 9:17

Jadi haumo i Ananias ri banua i Yudas ri Dala Noa. Bo nesuamo ia riara banua bo nidikana palena ri balengga i Saulus, bo nanguli, “Sampesuvuku Saulus. I Pue Yesus nikitamu ri tatanga nu dala tempo komiu nolipa tumai, Iamo nombatudu yaku tumai, ala komiu mekita mpanjili bo rakuasai nu Nosa Gasa nu Alatala.”

Suro-Suro 9:19

Naupu nidiu, nangandemo ia bo naroso mpanjili bukuna. Naupu haitu, i Saulus nonturo nte topangoseaka i Yesus ri ngata Damsyik bara sako-mbongi kasaena.

Suro-Suro 9:8

Jadi neanggamo i Saulus, bo nibulana matana, tapi domo nekita, jadi damo ninini roana nesua ri ngata Damsyik.

2 Korintus 3:14

Pekiri ntoIsrael haitu natetutui muni, ledo nisanira batuana anu najadi nte i Musa. Sampe sii-sii ane Atura-atura nokolu haitu rabaca ka ira, ledo nisanira mpuu batuana. Namala raulita da naria anu nombasalibumbuni pekirira. Pekiri manusia nisalibumbuni ivesia aga namala rabuka ane tona haitu mosangu rara ante i Kristus.

2 Korintus 4:6

Tempo Alatala nompajadi dunia niuliNa, “Lako ri kalandana meumbamo reme!” Ivesia muni nipakaremeNa pekirita ala pekirita majadi manoto bo rasanita kaogeNa. ToIsrael nggaulu nanggita kaoge nu Alatala nenggila ri lenje i Musa. Ivesia muni rasanita kaoge nu Alatala ane raposisanita i Kristus.