Suro-Suro 9:13 - Kaili Ledo

¹³ Nesanamo i Ananias, “Pue, niepeku nadea tona notesa i Saulus haitu. Niulira nadea mpuu todeaMiu nipandasana ri ngata Yerusalem

Suro-Suro 9:13 ပူးပေါင်းရင်းမြစ်များ

Matius 10:16

“Pariaramo tesaKu hitu! Komiu Kusuro hau ri tatanga ntona nadaa nasimbayu eva bimba ri tatanga asulaku. Jadi komiu kana matau eva ule bo malusu rara eva tonji togou.

Suro-Suro 22:4

Haitu sampe nipandasaku topangoseaka pepatuduki i Yesus. Naria sanu nipatesiku, naria sanu nisakaku bo nisuarakaku riara ntarunggu, langgai bo mombine.

Suro-Suro 8:3

I Saulus nompasimbuku njuu mompandasa topangoseaka i Yesus ala domo raparasayara i Yesus. Nipebutuna banuara nipesuana bo isema-sema nomparasaya i Yesus, langgai bo mombine, niumbunjaina ri savalikuna bo nisuarakana riara ntarunggu.

Suro-Suro 9:1

Ri tempo haitu, i Saulus da nompararai njuu mompatesi topangoseaka i Pue Yesus. Ia hau ri ngayo nu Pakeni nTopanggeni Pesomba,

Suro-Suro 9:21

Nokumaa pura tona nangepe i Saulus. Niulira, “Berimba tano tona hitu? Ledo ia hitu nompatesi topangoseaka i Yesus ri ngata Yerusalem? Bo tumai munimo ia ante patujuna mombasaka topangoseaka i Yesus ri sii bo manggeni ira ratangara ri ngayo balengga-balengga ntopanggeni pesomba!”

Suro-Suro 9:32

I Petrus hau ri umba-umba nompelioda todea nu Alatala. Naria sanggani ia nesai ri ngata Lida.

Suro-Suro 9:41

Bo i Petrus nanggangisi palena nantulungi ia meangga. Naupu sia i Petrus nompokio timbala-timbala pangane bo topomparasaya ri sia bo niulikana ira, “Siimo roamiu, natuvu mpanjilimo ia.”

Roma 1:7

Jadi siamo sampe nitulisiku sura hitu ka komiu pura-pura ri ngata Roma, komiu anu nipotove nu Alatala bo nipokioNa majadi todeaNa. Kuperapi Tuamata Alatala bo i Pue Yesus Kristus mombadekei belo ka komiu bo mompakatinonto raramiu.

Roma 15:31

Posambayamo ala yaku ledo rapakadaa ntoYahudi ri bagia Yudea anu ledo nomparasaya i Yesus. Bo posambayaka munimo ala topomparasaya ri Yerusalem mantarima mabelo doi petulungi kukeni hitu.

Roma 16:15

Pakavote tabeku ka i Filologus bo i Yulia, i Nereus bo sampesuvuna mombine, bo ka i Olimpas bo ka pura-pura topomparasaya nosanggani-nggani nte ira.

Roma 16:2

Kuperapi komiu mantarima ia sabana pomparasayana i Pue Yesus, apa ivesia mamimo kita todea nu Alatala masipato mantarima roata sampomparasaya. Ane maria anu niparaluuna, tulungimo ia, sabana ia mboto nadea tona nitulungina, yakumo hii saito.

1 Korintus 14:33

Apa Alatala nompokono anu natinonto. Ledo nipokonoNa nagado. Poviamo anu nabiasa nipovia ri pura-pura kasiromu ntodea topomparasaya.

1 Korintus 16:1

Kapolana, sampesuvu-sampesuvu, kutesa doi rapasiromumiu mombatulungi sampesuvuta sampomparasaya napakasi ri ngata Yerusalem. Kana rapoviamiu mpo niparentaku ka todea topomparasaya ri ngata Galatia.

1 Korintus 6:5

Niuliku ivesia ala maeya matamiu. Kakanana suga mariamo nte saito komiu nanoto anu nompakule mombatangara parakaramiu simbo topomparasaya.

Efesus 1:1

Sampesuvu-sampesuvu anu najadi todea nu Alatala bo naroo nomparasaya i Yesus Kristus ri ngata Efesus: Sura hitu lako nte yaku i Paulus, anu nianggataka najadi suro i Yesus Kristus nangoseaka dota nu Alatala.

Filipi 1:1

Sampesuvu-sampesuvu sampomparasaya anu nonturo ri ngata Filipi: Sura hitu lako nte yaku i Paulus, bo i Timotius, batua-batua i Yesus Kristus. Kami notulisi ka komiu pura-pura anu nosangu rara ante i Yesus Kristus, bo muni ka pakeni ntodea topomparasaya bo topotulungi pakeni ntopomparasaya.

Filipi 4:22

Tarima muni tabe lako nte pura-pura todea nu Alatala ri ngata hitu, nelabipa ira lako ri banua Magau Mbaso Kaisar.

Ibrani 13:24

Pakavote tabe kami ka pura-pura pakenimiu bo ka pura-pura todea nu Alatala ri situ. Bo tarimamo tabe lako nte sampesuvuta sampomparasaya ri propinsi Italia.

Yudas 1:3

Sampesuvu-sampesuvu nipotoveku, naoge mpuu raraku motulisi sura ka komiu, mombatesa kabelona nirasaita pura-pura anu nipakasalama i Yesus. Tapi nirasaiku eva naria anu nompasuu yaku mombabaliki niaku haitu. Apa naria tona anu nanggeni pepatuduki nasala nte kita. Sia sampe niuliku aginamo kutulisi sura mompakaroso raramiu ala komiu mompasimbuku mpuu mangeva tona anu madota mombabaliki pepatuduki nakana. Pepatuduki nakana nipasimbayu nu Alatala ka pura-pura todeaNa. Bo pepatuduki haitu aga sanggani nidekei nu Alatala sampe ri kasae-saena bo ledo namala rabaliki.