Suro-Suro 9:10 - Kaili Ledo

¹⁰ Ri ngata Damsyik naria saito topangoseaka i Yesus nosanga i Ananias. Naria anu nipopakitana ka ia bo i Pue Yesus nanguli ka ia, “Ananias!” Nesana i Ananias, “Iyo, sii yaku, Pue!”

Suro-Suro 9:10 ပူးပေါင်းရင်းမြစ်များ

Suro-Suro 10:3

Naria saeo nitasere tinti tatalu ede eo, naria anu nipopakita ka ia, haitumo saito malaeka nu Alatala nakava nombaronde ia, “Kornelius!”

Suro-Suro 11:5

“Tempo yaku nosambaya ri ngata Yope, naria anu nipopakita ka yaku. Nikitaku eva sabala kae nabini niuluraka lako ri langi niloe ri sokina pata-njoki bo nituu ri ngayoku.

Suro-Suro 12:9

Pade nituntuninamo malaeka haitu nesuvu lako ri tarunggu, tapi dopa nisanina anu nipovia malaeka haitu mpuu-mpuu najadi. Nisarumakana aga pangipi.

Suro-Suro 16:10

Jadi naupu nikita i Paulus haitu, kaliu-liu nanggalivomo kami hau ri propinsi Makedonia, sabana nipekiri kami, Alatala mpuu-mpuu nantudu kami mompatolele Kareba Belo ka tona hamai.

Suro-Suro 16:9

Bongina haitu ri ngata Troas, naria anu nipopakita nu Alatala ka i Paulus. Nikitana saito tona lako ri propinsi Makedonia neangga ri ngayona. Tona haitu nerapi mpuu-mpuu nte i Paulus, “Kaimo tumai mantulungi kami ri Makedonia!”

Suro-Suro 18:9

Naria sambongi, Tupu neonga nte i Paulus riara pangipina, bo nanguli “Nee maeka ka tona! Nee menonto mompatolele TesaKu,

Suro-Suro 2:17

‘Alatala notesa: Ri tempo napara kaupu nu dunia bara maipia, Kupopanau NosaKu ka pura-pura manusia. Ana-anamiu, langgai bo mombine, mompasimbayu tesaKu ka komiu. Kabilasa-kabilasamiu manggita anu Kupopakita ka ira. Bo totua-totuamiu mangipika anu Kupopangipika ira.

Suro-Suro 22:12

Ri Damsyik naria tona nosanga i Ananias. Ia tona nanoa bo natutu nangoseaka Atura-atura agama anu nipapola Nabi Musa. Pura-pura toYahudi nonturo ri ngata Damsyik mpuu-mpuu nombabila ia.

Suro-Suro 9:12

Riara panggitana nikitana iko nakava nombadika palemu ri balenggana ala matana mekita mpanjili.”

Suro-Suro 9:9

Talu-mbongi kasaena ia ledo nekita bo ledo muni nangande ledo nanginu nuapa-nuapa.

2 Korintus 11:32

Tempo yaku ri ngata Damsyik, gubernur anu nipakakuasa Magau Aretas, nantudu tantarana mombajaga bobaa mbaso ngata haitu mombasaka yaku.

Galatia 1:17

Yaku ledo muni kaliu-liu hau ri ngata Yerusalem manggita ira anu najadi suro i Yesus nokolupa pade yaku. Tapi yaku hau ri tana Arab, bo lako ri tana Arab nanjili vai hau ri ngata Damsyik.