Suro-Suro 8:5 - Kaili Ledo

⁵ Saito ira nosanga i Filipus. Ia hau ri ngata Samaria bo nipatolelena ka tona hamai i Yesusmo Magau Topepakasalama anu nijanji nu Alatala.

Suro-Suro 8:5 ပူးပေါင်းရင်းမြစ်များ

Suro-Suro 1:8

Tapi komiu manggava kuasa ane Nosa Gasa nu Alatala manau nte komiu. Bo komiu mompatolele karebaKu ka tona ri ngata Yerusalem, ri bagia Yudea bo Samaria, sampe ri njumangu dunia.”

Suro-Suro 21:8

Naeo mpadondo napolamo kami sampe nakava ri ngata Kaisarea. Ri sia, kami hau nonturo ri banua i Filipus, saito topompatolele Kareba Belo. Ia muni saito lako ri ira papitu anu nipelisi ri ngata Yerusalem bara ipia mantulungi suro-suro.

Suro-Suro 5:42

Bo eo-eo ri Banua nu Alatala bo muni ri banua-banua ntona, ira nompatolele Kareba Belo bo nompatuduki ka tona i Yesusmo Magau Topepakasalama anu nijanji nu Alatala.

Suro-Suro 6:5

Naupu nangepe tesa nu suro-suro pangane, nasituju puramo topangoseaka i Yesus ante tesa haitu. Jadi nipelisiramo i Stefanus, saito tona naroso pomparasayana i Yesus bo muni ia nikuasai nu Nosa Gasa nu Alatala. Nipelisira muni i Filipus, bo i Prokhorus, i Nikanor, i Timon, i Parmenas, bo i Nikolaus lako ri ngata Antiokhia. Ia ledo toYahudi, tapi ia nesua agama Yahudi.

Suro-Suro 8:1

I Saulus nadamba apa i Stefanus nipatesira. Nompamula eo haitu todea topangoseaka i Yesus ri ngata Yerusalem mpuu-mpuu nipandasa ntoYahudi sampe ira nasimpotare hau ri njumangu ngata ri bagia Yudea bo Samaria. Aga suro-suro i Yesus ledo nalai.

Suro-Suro 8:26

Naria malaeka nu Alatala nakava nangulika i Filipus, “Koimo hau ri puluna sampe mukava dala motua lako ri ngata Yerusalem hau ri ngata Gaza.” (Dala haitu domo nasaro niose.)

Suro-Suro 8:30

Jadi nangovamo i Filipus hau mantotoaka doka haitu. Niepena tona riara nu doka nombaca buku nitulisi Nabi Yesaya. Jadi nekutanamo i Filipus, “Nisanimiu batuana anu nibacamiu tutu, tua?”

Suro-Suro 8:40

Ledo nisani-sani, nariamo i Filipus ri ngata Asdod. Nipapolana polipana bo nipatolelena Kareba Belo i Yesus ka todea ri pura-pura ngata sampe nakava ri ngata Kaisarea.

Suro-Suro 8:6

Tempo todea nangepe i Filipus notesa bo nikitara kabaraka-kabaraka nipoviana, nipariarara mpuumo anu nitesana haitu.

Suro-Suro 9:20

Tempo haitu muni, ia kaliu-liu hau ri banua-banua petupu ntoYahudi ri Damsyik nompatolele kareba i Yesus ka toYahudi. Ia nanguli, “Yesusmo Ana nu Alatala!”

1 Korintus 1:23

Tapi kami aga nompatolele Kareba kamate i Kristus ri kayu salib. KamateNa haitu nompakadua rara ntoYahudi, bo nireke ntoYunani aga tesa ledo ria gunana.

1 Korintus 2:2

Apa nipakatantukumo yaku aga motesa i Yesus Kristus bo kamateNa ri kayu salib.

1 Korintus 3:11

Apa pandasi anu nipovia mamimo, haitumo i Yesus Kristus. Ledo ria pandasi ntanina.