Suro-Suro 8:40 - Kaili Ledo

⁴⁰ Ledo nisani-sani, nariamo i Filipus ri ngata Asdod. Nipapolana polipana bo nipatolelena Kareba Belo i Yesus ka todea ri pura-pura ngata sampe nakava ri ngata Kaisarea.

Suro-Suro 8:40 ပူးပေါင်းရင်းမြစ်များ

Suro-Suro 10:1

Ri ngata Kaisarea naria saito langgai nosanga i Kornelius. Ia tantara nu Magau Mbaso Kaisar bo ia balengga ntantara anu nombabalenggai saatu tantara ntanina anu niuli Lunu ntoItalia.

Suro-Suro 10:24

Sambongi ira naturu ri dala pade nakava ri ngata Kaisarea. Ri sia ira nipopea-pea i Kornelius sambanua. Naria muni sampesuvu-sampesuvuna bo vega-vega rapana nipasiromuna ri banuana.

Suro-Suro 11:11

Eva nisuka tempo haitu muni, tatalu tona lako ri ngata Kaisarea nakava ri banua ponturoku. Ira nitudu i Kornelius hau mangala yaku.

Suro-Suro 12:19

Magau Herodes nantudu tona mangelo i Petrus, tapi ledo nikavara ia. Haitu sampe Magau Herodes nomparenta ala tantara sapulu aono topombajagai i Petrus, raparesa bo rapatesi. Naupu haitu notuamo Magau Herodes lako ri bagia Yudea hau ri ngata Kaisarea, bo nonturo hamai bara sakuya kasaena.

Suro-Suro 18:22

Nesampo ri ngata Kaisareapa, nantendemo ia hau ri ngata Yerusalem ala mombadekei tabe ka topomparasaya hamai. Naupu sia, napolamo ia hau ri ngata Antiokhia.

Suro-Suro 21:16

Naria muni bara sako-ndua topomparasaya lako ri ngata Kaisarea nomporoa kami. Ira nanggeni kami hau ri banua i Manason ri Yerusalem, apa ri banuana haitu rapesai bo rapaturu kami. I Manason haitu tona lako ri levuto Siprus, bo ia nasaemo najadi topangoseaka i Yesus.

Suro-Suro 21:8

Naeo mpadondo napolamo kami sampe nakava ri ngata Kaisarea. Ri sia, kami hau nonturo ri banua i Filipus, saito topompatolele Kareba Belo. Ia muni saito lako ri ira papitu anu nipelisi ri ngata Yerusalem bara ipia mantulungi suro-suro.

Suro-Suro 23:23

Naupu haitu, tadulako nompokio randua tantarana, bo nanguli ka ira, “Pakasadiamo roatu tantara biasa bo pitupulu tantara mesavi jara, bo roatu tantara motavala. Bongina hitu tinti sasio, komiu kana malai lako ri sii hau ri ngata Kaisarea.

Suro-Suro 23:33

Nakavapa hamai, tantara nojara haitu nombadekei sura nu tadulakora ka gubernur, bo nidekeira munimo i Paulus ka ia.

Suro-Suro 25:1

Naliu katalu-mbongina i Festus nakava ri bagia haitu, nantendemo ia lako ri ngata Kaisarea hau ri ngata Yerusalem.

Suro-Suro 25:13

Ledo nasae kaliuna haitu, nakavamo Magau Agripa ante i Bernike ri ngata Kaisarea mosisani nte i Festus sabana ia dako nilanti najadi gubernur.

Suro-Suro 25:4

Tapi i Festus nesana, “I Paulus da nijagai ri ngata Kaisarea, bo yaku mboto domo masae manjili hau.

Suro-Suro 25:6

Dopa nasae i Festus nakava ri ngata Yerusalem, nitasere valu-mbongi bara sapulu-mbongi kasaena, nanjilimo ia hau ri ngata Kaisarea. Nakava sumai, kamailena nesuamo ia ri banua potangara bo nituduna tona manggeni i Paulus mantingayo ia.

Suro-Suro 8:25

Naupu i Petrus bo Yohanes nosabi bo nompatolele tesa i Pue ka todea, nanjilimo ira hau ri ngata Yerusalem. Bo riara polipara haitu nipatolelera Kareba Belo ri ngata dea ri bagia Samaria.

Suro-Suro 9:30

Topomparasaya ntanina niepera i Saulus rapatesi, jadi nikeniramo ia notua hau ri ngata Kaisarea bo nitudura hau manjili ri ngata Tarsus, ngatana mboto.

Roma 15:19

bo sabana kabaraka-kabaraka bo tanda-tanda nipokumaaka nipoviaku ante kuasa Nosa Gasa. Lako ri ngata Yerusalem sampe ri tana Ilirikum, nipatoleleku pura-pura Kareba Belo i Yesus Kristus ka tona.