Suro-Suro 8:39 - Kaili Ledo

³⁹ Nesore ira lako riara nu uve, Nosa Gasa nu Alatala nangala i Filipus lako ri sia bo domo nikita ntoEtiopia. ToEtiopia haitu nompapola polipana bo nadamba mpuu rarana.

Suro-Suro 8:39 ပူးပေါင်းရင်းမြစ်များ

Matius 13:44

Nanguli i Yesus, “Kabelona majadi todea riara Poparenta nu Alatala nasimbayu eva bulava nitabuniaka ri tana. Naria tona nanggava bulava haitu bo nadamba mpuu rarana. Jadi niivuna mpanjili bo hau nipobaluna pura-pura mbara-mbarana. Bo ali mbara-mbarana haitu nipakena nangali tana nipanggavana bulava haitu.”

Matius 3:16

Naupu nidiu, nesoremo i Yesus lako ri uve. Bo eva nisuka tempona haitu muni langi natebuka bo nikitaNa Nosa Gasa nu Alatala nolenje mpo tonji banggebodo nanau bo netuu nte Ia.

Markus 1:10

Tempo i Yesus neumba lako ri uve, kaliu-liu nikitaNa langi natebuka bo Nosa Gasa nu Alatala, nolenje mpo tonji banggebodo, nanau bo netuu nte Ia.

Suro-Suro 13:52

Topangoseaka i Yesus ri ngata Antiokhia nadamba mpuu rarara, bo ira nikeniaka nu Nosa Gasa nu Alatala.

Suro-Suro 16:34

Naupu haitu, nikeninamo i Paulus bo i Silas hau ri banuana, bo nipakandena ira. Ira sambanua nadamba mpuu rarara sabana ira nomparasaya Alatalamo. Naupu sia, i Paulus bo i Silas nikeni mpanjili hau ri tarunggu.

Suro-Suro 8:29

Jadi Nosa Gasa nanguli ka i Filipus, “Koi ragamo doka ntona hautu.”

Suro-Suro 8:38

Naliu sia, nipopetaanamo dokana, bo nanaumo ira randua lako ri doka bo hau riara nu uve. ToEtiopia haitu nidiu i Filipusmo, tandana niparasayana i Yesus.

Suro-Suro 8:8

Jadi nadamba mpuumo rara ntona ri ngata Samaria.

Roma 5:2

Kita nomparasaya i Yesus, jadi nidekeiNa ka kita loga mombarasai kabelo rara nu Alatala bo sii-sii nirasaitamo riara nggatuvuta. Nadamba mpuu rarata sabana naroso panjarumakata rakavata bagia ri kaoge nu Alatala.

Filipi 3:3

Kakanana, kitamo anu nanoa ri panggita nu Alatala, ledo ira, apa kita nombasomba Alatala ante pekeniaka Nosa GasaNa. Kita nadamba sabana kita nosangu rara nte i Yesus Kristus, bo ledo nisarumakata pompasimbukuta mboto atau tonuapa kita, ala majadi manoa ri panggita nu Alatala.

Filipi 4:4

Sampesuvu pura-pura, kadambamo raramiu sabana komiu nosangu rara ante i Pue Yesus. Sangganipa kuuli ka komiu, kadambamo raramiu!

Yakobus 4:16

Tapi ledo ivesia tesamiu. Komiu aga nalanga raramiu bo nangoe ka poviamiu mboto. Pokainggu ivehaitu nadaa!