Suro-Suro 8:26 - Kaili Ledo

²⁶ Naria malaeka nu Alatala nakava nangulika i Filipus, “Koimo hau ri puluna sampe mukava dala motua lako ri ngata Yerusalem hau ri ngata Gaza.” (Dala haitu domo nasaro niose.)

Suro-Suro 8:26 ပူးပေါင်းရင်းမြစ်များ

Suro-Suro 10:22

Niulira, “Kami hii nitudu Kapten Kornelius tumai. Nau ia ledo toYahudi, ia tona nanoa bo ia natundu nte Alatala bo pura-pura toYahudi nombabila ia. Naria malaeka nu Alatala nantudu ia mompokio komiu hau ri banuana ala raepena anu raulimiu ka ia.”

Suro-Suro 10:7

Naupu haitu, nalaimo malaeka. I Kornelius nompokio randua topokarajaa lako riara nu banuana. Nipokiona muni saito tantara niparasayana, anu netupu nte i Alatala muni.

Suro-Suro 12:23

Ri tempo haitumo malaeka nTupu nompakadua Magau Herodes, sabana ia ledo nompakaoge Alatala, ledo nitagina todea nanguli tesa haitu. Jadi da natuvu ia, nikande ndoromo sampe namate.

Suro-Suro 27:23

Nisaniku haitu sabana ibongi Alatala anu nisombaku bo anu nombajagai yaku, nantudu malaekaNa tumai nte yaku. Malaeka haitu nanguli,

Suro-Suro 5:19

Tapi bongina haitu saito malaeka nu Alatala nombaungge vamba-vamba ntarunggu bo nanggeni suro-suro hau ri savalikuna. Nanguli ia,

Suro-Suro 8:29

Jadi Nosa Gasa nanguli ka i Filipus, “Koi ragamo doka ntona hautu.”

Suro-Suro 8:5

Saito ira nosanga i Filipus. Ia hau ri ngata Samaria bo nipatolelena ka tona hamai i Yesusmo Magau Topepakasalama anu nijanji nu Alatala.

Ibrani 1:14

Jadi, isema kakanana malaeka-malaeka nTupu? Ira pura-pura topotulungi Alatala anu nisuroNa mantulungi bo manggeniaka tona rapakasalamaNa.