Suro-Suro 8:17 - Kaili Ledo

¹⁷ Jadi, i Petrus bo i Yohanes nombadika palera ri balengga ntoSamaria haitu bo Nosa Gasa nanau nte ira mpuu.

Suro-Suro 8:17 ပူးပေါင်းရင်းမြစ်များ

Markus 5:23

bo nerapi ante rarana mpuu-mpuu, <>

Suro-Suro 13:3

Jadi naliu ira nopuasa bo nosambaya, nidikara palera ri balengga i Barnabas bo i Saulus, bo nianggatakara majadi suro mompatolele Kareba Belo.

Suro-Suro 19:6

I Paulus nombadika palena ri balenggara bo kaliu-liu Nosa Gasa nu Alatala nombakuasai ira. Pade ira notesa ante basa-basa nidekei nu Nosa Gasa ka ira bo nipasimbayura tesa lako nte Alatala.

Suro-Suro 2:4

Ira pura-pura nikuasai Nosa Gasa nu Alatala bo nompamulamo notesa ante mpengaya basa ntanina nisovadakara nangoseaka anu nidekei nu Nosa Gasa ka ira.

Suro-Suro 6:6

Tona papitu haitu nikenikara ka suro-suro bo naupu nosambaya, suro-suro nombadika palera ri balengga ntona haitu mombalanti ira majadi topotulungi suro-suro.

Suro-Suro 8:18

Nikita i Simon suro-suro nombadika palera ri balengga ntona haitu bo Nosa Gasa nombakuasai ira. Jadi nikeninamo doi ka i Petrus bo Yohanes apa ia madota mangali kabaraka haitu.

Suro-Suro 9:17

Jadi haumo i Ananias ri banua i Yudas ri Dala Noa. Bo nesuamo ia riara banua bo nidikana palena ri balengga i Saulus, bo nanguli, “Sampesuvuku Saulus. I Pue Yesus nikitamu ri tatanga nu dala tempo komiu nolipa tumai, Iamo nombatudu yaku tumai, ala komiu mekita mpanjili bo rakuasai nu Nosa Gasa nu Alatala.”

Roma 1:11

Apa naoge mpuu raraku mosinggava nte komiu ala yaku mamala mombabagi pedekei nu Alatala ka komiu, haitumo Nosa Gasa anu mompakaroso pomparasayamiu.

1 Timotius 4:14

Nee malinga mompake pompakule nidekei nu Nosa Gasa ka iko tempo tona nompasimbayu petevai lako nte Alatala ka iko bo pakeni ntopomparasaya nodika palera ri balenggamu.

1 Timotius 5:22

Nee masalisa gaga mombadika palemu ri karo ntona manganggataka ia majadi pakeni ntopomparasaya. Paresa ntani ruru ingguna, apa ane ia movia dosa ngena, ikomo rapakasala. Nee sampe karomu matekeni nte dosa ntona ntanina. Jagaimo pokainggumu mboto ala iko batena matuvu ante pokainggu nagasa.

2 Timotius 1:6

Sabana haitu, kupopatora ka iko, iko kana mpuu-mpuu mompake pompakule nidekei nu Alatala ka iko tempo yaku nosambaya nombadika paleku ri karomu bara ipia.

Ibrani 6:2

Nee aga mombasili pepatuduki ada pediu, atau ada mombadika pale ri balengga ntona merapi belo ka ira. Nee aga mombasili pepatuduki matuvu mpanjili lako ri kamatea bara maipia atau pepatuduki pehuku sampe ri kasae-saena. Nee aga mombasili-sili pepatuduki pamulana haitu, kana ratambaipa!