Suro-Suro 7:60 - Kaili Ledo

⁶⁰ Bo nantaputu ia bo nongare ante suara namangga, “Pue, ampungimo dosara hitu!” Naupu haitu, namatemo ia.

Suro-Suro 7:60 ပူးပေါင်းရင်းမြစ်များ

Matius 27:52

Nadea dayo natebuka bo nadea tona nanoa anu namatemo natuvu mpanjili

Matius 5:44

Tapi Kuuli ka komiu, potovemo balimiu bo posambayaka tona nompandasa komiu.

Lukas 22:41

Pade haunapa Ia sakide lako nte ira. Kakavaona nitasere samporempetaka vatu. Ia nantaputu bo nosambaya:

Lukas 23:34

Naupu haitu i Yesus nosambaya, “Tata, ampungimo ira. Ledo nisanira nuapa nipoviara.” Tantara anu nombapaku i Yesus, notende lamoro ala rasanira isema rakamalakana pakea i Yesus.

Lukas 6:28

Perapi belo ka topompindasi komiu bo posambayaka tona novia nadaa ka komiu.

Yohanes 11:11

Ivesiamo tesa i Yesus ka anaguruNa. Naupu haitu, nipapolaNa tesaNa ka ira. NiuliNa, “Vegata i Lazarus namonjomo. Tapi hau Kulike ia.”

Suro-Suro 13:36

Tesa hitu ledo nambela i Daud, sabana naupu ia novia anu nitudu nu Alatala ka ia, namatemo ia. Bo ia nitana ri sinjori dayo ntotuana nggaulu, bo karobatana napopomo.

Suro-Suro 20:36

Naupupa i Paulus notesa, nantaputumo ia nosanggani-nggani ante pura-pura ira lako ri ngata Efesus bo nosambaya.

Suro-Suro 21:5

Tapi nagana saminggu kami nonturo ri sia, nipalaisi kamimo ira, bo nipapola kamimo polipa kami. Ira pura-pura nosanggani-nggani ante anara bo bereira nanggeni kami hau ri savaliku ngata. Nakava ri talinti, nantaputu puramo kami bo nosambaya.

Suro-Suro 9:40

I Petrus nantudu ira mesuvu pura, pade nantaputu ia nosambaya. Naupu haitu, nitingayona mboa i Tabita bo nanguli, “Tabita, pembangumo!” Naupu i Petrus nanguli ivesia, nibula i Tabitamo matana. Nikitanapa i Petrus, nembangumo ia bo nonturo.

1 Korintus 11:30

Haitu sampe nadeamo komiu ri situ nalente bo nadua, bo bara sako-nduamo komiu namate.

1 Korintus 15:18

Bo topomparasaya Ia anu namatemo domo ria panjarumakara, naropumo ira!

1 Korintus 15:20

Tapi i Kristus mpuu-mpuu nipakatuvu mpanjili. Bo katuvuNa mpanjili haitu najadi panggingisi nompakatantu pura-pura topangoseaka Ia anu namatemo, rapakatuvu mpanjili muni.

1 Korintus 15:51

Pariaramo! Kupopaisani ka komiu anu nitabuniaka nu Alatala lako ri lamba pamulana! Ledo pura-pura kita mamate, tapi kita pura-pura kana rabaliki nau kita da natuvu atau namatemo.

1 Korintus 15:6

Bo naupu haitu nipopakitaNa karoNa ka salunu topangoseaka Ia nelabi lima-atu tona kadeana. Nau bara sako-ndua ira namatemo, deanapa ira da natuvu sampe sii-sii.

1 Tesalonika 5:10

Ia namate nombatolosi kita ala tempo Ia makava mpanjili, nau kita da natuvu atau namatemo, kita matuvu mosanggani-nggani ante Ia.

2 Timotius 4:16

Tempo parakaraku nitangara paratama, ledo ria saitoa nombatulungi yaku; nepalaika puramo roa. Kuperapi Tupu ledo mombareke salara haitu.

2 Petrus 3:4

bo manguli, “I Yesus nojanji makava mpanjili ri dunia. Tapi ledo ria nakava. Tantu ledo majadi, sabana lako ri tempo kamate ntotuata nggaulu sampe sii-sii, dunia hitu ledo nabali-bali. Pura-pura bate-batena nasimbayu lako ri lamba pamulana tempo dunia nipajadi sampe sii-sii.”