Suro-Suro 7:52 - Kaili Ledo

⁵² Ledo ria saitoa nabi ledo nipandasa ntotuamiu nggaulu. Nipatesira muni nabi-nabi anu nompatolele kareba kakava i Yesus, Batua nu Alatala nanoa. Bo sii-sii nipobalumiu bo nipatesimiu Batua nu Alatala haitu!

Suro-Suro 7:52 ပူးပေါင်းရင်းမြစ်များ

Matius 5:12

Ivesia muni nipoviara ka nabi-nabi nggaulu. Jadi kadamba-dambamo raramiu ane tutu majadi nte komiu sabana naoge mpuu belo nipakasadia ka komiu ri suruga.”

Lukas 6:23

Apa ivesia muni nipovia ntotuara nggaulu ka nabi-nabi nu Alatala. Jadi ane rapoviara ivehaitu muni komiu, kana madamba mpuu raramiu, sabana naoge belo ri suruga nipakasadia nu Alatala ka komiu.

Yohanes 16:10

RapakalantoNa muni Yaku nanoa, sabana sii-sii Yaku hau nte TuamaKu bo domo rapeintamiu.

Suro-Suro 2:23

I Yesus haitu nidekei nu Alatala ka komiu bo nipatesimiu. Ia nidekeimiu ka tona nadaa nombapaku ri kayu salib. Tano mai, anu najadi haitu nangoseaka nia nipakatantu nu Alatala lako ri pamulana, apa nisaniNa mami lako ri pamulana anu majadi ante i Yesus.

Suro-Suro 22:14

Naupu haitu, niulikana yaku, ‘Alatala anu nipetupu ntotuata nggaulu, nompelisi iko ala musani anu nipodotaNa. NipelisiNa iko ala mukita i Yesus, Batua nu Alatala anu nangoseaka dotaNa, bo ala muepe mboto suara i Yesus.

Suro-Suro 3:18

Nabi-nabi nggaulu anu niposumba nu Alatala nanguli Magau Topepakasalama kana mombarasai susa bo pari. Anu nipoviamiu hitu nompakadupa anu niuli nu Alatala ka nabi-nabiNa.

Suro-Suro 3:24

Nabi-nabi ntanina anu nompasimbayu tesa lako nte Alatala nggaulu, nompamula lako ri Nabi Samuel sampe nabi-nabi natuvu purina, ira pura nombatesa anu najadi ri tempo sii-sii.

Suro-Suro 4:10

Jadi ala rasanimiu bo ala rasani nu sampesuvuta toIsrael pura muni, kami manguli ka komiu, tona hitu nipakabelomo bo ia neangga ri ngayomiu pura-pura sabana kuasa lako nte i Yesus Kristus toNazaret. Komiu nombapaku i Yesus ri kayu salib sampe namate, tapi Alatala nompakatuvu Ia mpanjili.

1 Tesalonika 2:15

ToYahudi anu ledo nomparasaya haitumo nompatesi i Pue Yesus bo nabi-nabi nu Alatala bo ira muni nompandasa kami. Ira nangeva pura-pura manusia bo Alatala ledo ntoto nadamba nte ira.

2 Timotius 3:4

Ira aga mombaakalani roa, ledo ria rekera, bo pangulira iramo tona nataupa. Ledo rapotovera Alatala, aga kasana karora mboto rapotovera.

1 Yohanes 2:1

Sampesuvu-sampesuvu nipotoveku, patujuku notulisi sura hitu ka komiu ala nee rapoviamiu dosa. Tapi ane maria tona movia dosa, naria saito topombasaliku, Iamo i Yesus Kristus anu nanoa. Iamo mombasaliku kita ri ngayo nTuamaNa Alatala.

Pompakita 19:10

Nangepe tesa haitupa, nantaputumo yaku sampe ri tana ri ngayo malaeka haitu mombasomba ia. Tapi nangulimo ia ka yaku, “Nemo! Nee rasomba yaku. Sombamo Alatala! Sabana yaku hii aga batua nu Alatala nasimbayu mpo iko bo nasimbayu mpo sampesuvumu sampomparasaya anu naroo nanggangisi pepatuduki nakana nipopaisani i Yesus. Apa pepatuduki nakana nipopaisani i Yesus, haitumo poko nu tesa ntona anu nompasimbayu tesa lako nte Alatala.”

Pompakita 3:7

Ana nu Manusia netudu vai ala kutulisi ka malaeka anu nanggeniaka todea topomparasaya ri ngata Filadelfia ivei: “Hitumo tesa lako nte Yaku anu nagasa bo nanoa. Yakumo nantipale gunji nu vamba Poparenta Magau Daud. Ane Yaku mombaungge vamba, ledo ria saitoa tona mamala mombatutuina, bo ane Yaku mombatutui vamba ledo muni maria saitoa tona mamala mombaunggena.