Suro-Suro 7:35 - Kaili Ledo

³⁵ I Musa hitumo anu ledo nipokono ntoIsrael bo nipoarara ante tesa ivei: ‘Isema nanganggataka iko majadi totua ngata atau topotangara kami?’ Tapi ia mpuu-mpuu nipelisi nu Alatala manggeniaka ira bo mombakabasaka ira lako ri pobatua ntoMesir. Haitu nipoviana ante petulungi nu malaeka anu nakava nte ia ri gumbu navaya.

Suro-Suro 7:35 ပူးပေါင်းရင်းမြစ်များ

Markus 12:26

Berimbamo? Tantu nibacamiu anu nitulisi riara Buku Nabi Musa, tona namatemo matuvu mpanjili. Tora ngena tesa kajadia santungu gumbu navaya tapi ledo napapu. Nau nasaemo kamate i Abraham, i Ishak bo i Yakub, tempo haitu Alatala nanguli ka i Musa,

Lukas 19:14

Naupu notesa ivehaitu nalaimo ia. Tapi tona ri ngatana mboto navuu matara nte ia. Jadi nitudura topanggeni tesa hau ri ngata nakavao haitu. Nakava sumai topanggeni tesa haitu nanguli ka Magau Mbaso, ‘Kami ledo madota ana madika hitu majadi madika ri ngata kami.’

Yohanes 18:40

Tapi nongaremo ira ante suara namangga, “Nee! Nemo Ia rakabasaka! Agina i Barabas rakabasaka ka kami!” I Barabas mai topeago.

Yohanes 19:15

Jadi nongare-ngaremo ira, “Patesimo Ia! Patesimo Ia! Pakumo Ia ri kayu salib!” Nanguli i Pilatus ka ira, “Hm! Pangulimiu masipato kupaku magaumiu ri kayu salib?” Nesanamo balengga-balengga ntopanggeni agama, “Aga Magau Mbaso Kaisar magau kami!”

Suro-Suro 2:36

Bo i Petrus nompakaupu tesana, bo nanguli, “Jadi sampesuvu-sampesuvu, haitumo sampe kita toIsrael pura-pura, kana rasanita mpuu-mpuu, i Yesus hitumo anu nipakumiu ri kayu salib, Iamo nipelisi nu Alatala majadi Tupu bo Magau Topepakasalama!”

Suro-Suro 3:22

Sampesuvu-sampesuvu, naria tesa Nabi Musa nggaulu nombatesa i Yesus ivei: ‘Tupumiu Alatala manganggataka saito lako ri sampesuvumiu mboto majadi nabi nasimbayu mpo yaku. Komiu kana mangoseaka nuapa pura raulina ka komiu.

Suro-Suro 5:31

Bo Alatala nompakaoge i Yesus bo nipoponturoNa Ia ri sabingga ngganaNa, bo nidekeiNa ka Ia kuasa momparenta bo mompakasalama kita, ala kita toIsrael radekei loga majea lako ri dosa-dosata bo raampungi.

Suro-Suro 7:30

Patapulu mpae kaliuna, nakavamo saito malaeka nte i Musa ri karava bai napara Bulu Sinai. Malaeka haitu neonga riara apu ri santungu gumbu navaya.

Suro-Suro 7:51

Sampesuvu-sampesuvu, nakaa mpuu bagamiu! Bo komiu mpuu-mpuu netibongo! Ledo nadota komiu mangepe bo mangoseaka Tesa nu Alatala! Komiu batena nasimbayu mpo totuamiu nggaulu nangeva Nosa Gasa nu Alatala!

Kolose 1:15

Alatala ledo nikita. Tapi ane nisanita inggu bo kuasa nu AnaNa, nisanita muni inggu bo kuasa nu Alatala. Namala raulita AnaNa haitu Lumbua, haitumo kuasaNa nelabipa pade pura-pura anu nipajadi nu Alatala.

Ibrani 2:2

Atura nTupu anu nipapola nu malaeka-malaeka ka totuata nggaulu, nakana bo kana raoseaka. Isema-sema nombaliunaka Atura haitu atau ledo nangoseaka Atura haitu, nikavana pehuku nangoseaka poviana.

Pompakita 15:3

Bo nipodadekaramo dade Nabi Musa, batua nu Alatala nggaulu. Bo nipodadekara muni dade mombabila Ana Bimba ivei: “O Pue Alatala, neliu mpuu KakuasaMiu! PoviaMiu naoge bo mpuu-mpuu nipokumaaka. Komiumo Magau nu pura-pura manusia ri dunia! Pura-pura pokaingguMiu nakana bo nanoa.