Suro-Suro 7:32 - Kaili Ledo

³² ‘Yakumo hii Alatala anu nisomba ntotuamu nggaulu, Tupu i Abraham, i Ishak bo i Yakub.’ Nangepe haitu, naekamo rara i Musa sampe nolete bo domo nabia ia mompeinta gumbu navaya haitu.

Suro-Suro 7:32 ပူးပေါင်းရင်းမြစ်များ

Matius 17:6

Nangepe suara haitu naeka mpuumo rara nu anaguru i Yesus, sampe notungga narapa ri tana.

Matius 22:32

Nau nasaemo kamate i Abraham, i Ishak bo i Yakub, Alatala nanguli, ‘Yakumo Alatala nisomba i Abraham, i Ishak bo i Yakub.’ Batuana, ira da natuvu bo nombasomba Alatala. Apa nisanita Alatala ledo nisomba ntona namate tapi Ia nisomba ntona natuvu.”

Matius 22:46

Ledo ria saitoa tona namala nompesanaka i Yesus. Bo nompamula lako ri eo haitu, domo naria tona nabia nombaopa tesaNa.

Lukas 5:8

Tempo i Simon Petrus nanggita haitu, nantaputumo ia ri ngayo i Yesus bo nanguli, “Nee mapara nte yaku, Pue, apa yaku tona nadosa!”

Suro-Suro 3:13

Alatala anu nisomba ntotuata bo Nabi Abraham, i Ishak, bo i Yakub, Iamo nombabila bo nompakaoge BatuaNa i Yesus. I Yesus haitumo nidekeimiu ka pomarenta, bo Iamo nipoaramiu ri ngayo i Pilatus tempo i Pilatus madota mombakabasaka Ia.

Suro-Suro 7:31

Nokumaa i Musa nanggita gumbu navaya bo hau ia manggaparai bo niparesana gumbu haitu. Pade niepena suara nTupu nanguli,

Ibrani 11:16

Tapi ira nalentoraka ngata anu nabelopa, haitumo ngata ri suruga. Jadi Alatala ledo naeya mataNa ane Ia niuli Tupura apa naria mami ngata nipakasadiaNa ka ira.

Pompakita 1:17

Nikitakupa Ia, kaliu-liu nadungga ntuobomo yaku ri ngayoNa mpo tomate. Tapi Ia nombatuu pale ngganaNa ri karoku bo nanguli ka yaku, “Nee maeka. Yakumo hii Pamulana bo Kaupuna.