Suro-Suro 7:26 - Kaili Ledo

²⁶ Kamailekana, hau vai ia bo nikitana randua toIsrael nosibaga. Ia nompasimbuku mompoposinggabelo ira randua. Nanguli ia, ‘Komiu tu nosampesuvu! Nakuya komiu nosibaga, le?’

Suro-Suro 7:26 ပူးပေါင်းရင်းမြစ်များ

Matius 14:22

Naupu haitu nitudu i Yesusmo ana-anaguruNa mesavi sakaya mokolu ka Ia hau ri sambote rano. Apa Ia da mompopanjili todea manjili hau ri ngatara mboto.

Suro-Suro 7:25

Nisarumaka i Musa rasani nu sampesuvu-sampesuvuna toIsrael iamo nipelisi nu Alatala mombakabasaka ira lako ri pobatua ntoMesir. Tano ledo mpuu nisanira.

Filipi 2:1

Jadi sampesuvu-sampesuvu, nisaniku narosomo pomparasayamiu sabana komiu nosangu rara ante i Kristus. Raramiu nipakavoe sabana komiu nipotoveNa. Komiu nasintuvu ante Nosa Gasa nu Alatala bo komiu muni nosimpotove bo nosipoasi mata.

Filipi 2:3

Nuapa-nuapa rapoviamiu, nee aga mangelo kauntu mboto atau mantoiya karo mboto, tapi aginamo rapakaedemiu raramiu bo manguli roamiu naogepa pade komiu mboto.