Suro-Suro 7:23 - Kaili Ledo

²³ Nagana patapulu mpae umuruna, neumbamo dota rarana hau manggita sampesuvu-sampesuvuna toIsrael.

Suro-Suro 7:23 ပူးပေါင်းရင်းမြစ်များ

Suro-Suro 15:36

Ledo nasae kaliuna haitu, i Paulus nanguli ka i Barnabas, “Hau kita manjili ri ngata-ngata nikalauta bara ipia nompatolele tesa nu Alatala. Kita kana hau manggita sampesuvu-sampesuvu anu nomparasaya i Yesus hamai, ala rakitata berimbamo katuvura.”

Suro-Suro 7:24

Nakava ri sia, nikitana saito toIsrael niboba ntoMesir. Jadi hau ia mombasaliku sampesuvuna niboba haitu bo nipatesinamo toMesir.

2 Korintus 8:16

Kami nosukuru nte Alatala sabana Ia nompakaoge rara i Titus mompekirika kabelomiu nasimbayu mpo kami mboto.

Yakobus 1:17

Pura-pura pedekei nabelo, anu ledo ria galona nadaa, nakava lako nte Alatala ri suruga. Ia nompajadi pura-pura anu nareme ri langi. Vayo-vayo najadi lako ri reme haitu nasaro nabali, tapi Ia ledo nabali. Ia bate-batena nabelo.

Pompakita 17:17

Haitu pura-pura kana majadi sabana Alatalamo nompakasangu pekiri nu magau sapulu movia nia nu Alatala mboto. Ia nompakasangu rarara mombadekei kuasara ka binata nadaa haitu ala binata haitu momparenta sampe madupa pura-pura anu nitesa nu Alatala.