Suro-Suro 6:9 - Kaili Ledo

⁹ Tapi naria muni tona nangeva ia. Ira haitu toYahudi anu nosambaya ri banua petupu niuli Banua Petupu nu Batua-Batua Nikabasaka. Ira toYahudi ntanina lako ri ngata Kirene bo ngata Aleksandria. Ira bo toYahudi lako ri propinsi Kilikia bo lako ri propinsi Asia nangeva bo nosisanai nte i Stefanus.

Suro-Suro 6:9 ပူးပေါင်းရင်းမြစ်များ

Matius 10:17

Komiu kana mainga apa komiu rasaka ntona bo rakeni rapangadu ri ngayo ntopotangara. Bo komiu raboba riara banua-banua petupu.

Matius 23:34

Pariaramo! Kutudu nabi-nabi bo tona nanoto bo guru-guru tou mompatuduki tesaKu ka komiu. Sanu rapatesimiu, sanu rapakumiu ri kayu salib, bo sanupa racambumiu riara banua-banua petupumiu. Bo sanupa raraga-ragamiu lako ri sangu ngata hau ri ngata ntanina.

Matius 27:32

Ri tatanga dala tantara-tantara nosintomuka saito langgai lako ri ngata Kirene anu nosanga i Simon. Ia nibarusura manjimbuaka kayu salib i Yesus.

Markus 13:9

Komiu kana mainga-inga sabana komiu rasaka bo rakeni rapangadu ri ngayo ntopotangara. Komiu raboba riara banua-banua petupu bo rakeni rapoposintingayoka gubernur-gubernur bo magau-magau sabana komiu nomparasaya Yaku. Bo haitumo loga ka komiu motesa pomparasayamiu Yaku ka ira.

Lukas 21:12

Tapi dopame majadi pura-pura haitu, komiu rasaka ntona bo rapandasara. Komiu ratangara ri banua petupu bo rasuaraka riara ntarunggu. Komiu rakeni muni ri ngayo nu magau-magau bo gubernur-gubernur sabana komiu nangoseaka Yaku.

Suro-Suro 11:20

Tapi naria muni roara lako ri levuto Siprus bo propinsi Kirene hau ri ngata Antiokhia bo nompatolele Kareba Belo i Yesus ka tona ledo noagama Yahudi.

Suro-Suro 13:1

Ri tatanga ntodea topomparasaya ri ngata Antiokhia naria bara sako-ndua guru bo nabi anu nompasimbayu Tesa nu Alatala, haitumo, i Barnabas, i Simeon anu nidae i Vuri, bo i Lukius toKirene, i Menahem anu nipakambaso nosanggani-nggani ante Magau Herodes Antipas, bo i Saulus.

Suro-Suro 13:45

Nanggita todea haitu, nasiriati mpuumo rara nu pakeni ntoYahudi. Nisalaira i Paulus, bo nievara pura-pura anu niulina.

Suro-Suro 15:23

Jadi nitulisira santau sura rakeni ntona randua pangane. Sura haitu nanguli ivei: “Sampesuvu-sampesuvu sampomparasaya anu ledo toYahudi, anu nonturo ri ngata Antiokhia bo ri propinsi Siria bo Kilikia: Nadea tabe lako nte kami, suro-suro bo pakeni-pakeni ntodea topomparasaya.

Suro-Suro 15:41

Ira nombalintiku pura-pura propinsi Siria bo Kilikia. Nipakarosora pomparasaya ntopangoseaka i Yesus hamai.

Suro-Suro 16:6

Nosa Gasa nu Alatala ledo nombadekei gi Paulus mompatolele tesa nu Alatala ri propinsi Asia. Jadi nipapolara polipara hau ri bagia Frigia bo Galatia.

Suro-Suro 18:24

Tempo haitu, naria saito toYahudi nosanga i Apolos. Ia lako ri ngata Aleksandria ri tana Mesir bo nakava ri ngata Efesus. I Apolos mai natau mpuu notesa, bo nisanina mpuu isi Buku Gasa.

Suro-Suro 19:10

Aga ivesiamo nipovia i Paulus rompae kasaena, sampe pura-pura tona nonturo ri propinsi Asia, toYahudi bo tona ledo toYahudi, nangepe Tesa nTupu.

Suro-Suro 19:26

Sii-sii nikitamiu bo niepemiu mbotomo anu nipovia i Paulus! Ia nanguli ka todea, pinoito-pinoito nu viata nipovia mpale manusia, ledo viata mpuu. Bo nadeamo tona nomparasaya pepatudukina haitu, ledo aga ri ngata Efesus hitu, tapi ri pura-pura propinsi Asia muni!

Suro-Suro 21:27

Napara kaupuna pitu-eo nipakatantu ka ada pompakagasa karo, bara sako-ndua toYahudi lako ri propinsi Asia nanggita i Paulus riara Banua nu Alatala. Nipakagadora todea ri sia bo nisakara i Paulus,

Suro-Suro 21:39

Nesanamo i Paulus, “Ledo. Yaku hii toYahudi, lako ri Tarsus ngata mbaso ri propinsi Kilikia. Kuperapi, dekei kaku loga motesa ka todea hitu.”

Suro-Suro 22:19

Tapi nesana yaku, ‘Pue, kana ratarimara tesaku, apa nisanira poviaku bara ipia. Nisanira yaku nesua ri banua-banua petupu nesaka, neboba, bo nombasuaraka topomparasaya Komiu riara ntarunggu.

Suro-Suro 22:3

“Yaku hii toYahudi nipoanaka ri ngata Tarsus ri propinsi Kilikia. Tapi yaku nipakambaso ri sii ri ngata Yerusalem, bo neguru nte Guru Mbaso nosanga i Gamaliel. Yaku nipatudukina pakabelo-belo nantuntuni Atura-atura nipapola Nabi Musa ka totuata nggaulu. Yaku muni mpuu-mpuu nangoseaka parenta nu Alatala nasimbayu mpo komiu ri sii.

Suro-Suro 23:34

Naupu Gubernur Feliks nombaca sura haitu, nipekutanana i Paulus, “Ri umba ngatamu?” Nesana i Paulus, “Yaku toKilikia.” Nisani gubernurpa i Paulus lako ri propinsi Kilikia, anu nambela bagia niparentana,

Suro-Suro 24:18

Tempo yaku da naria ri Banua nu Alatala nanggeni pesombaku nompakaupu ada pompakagasa karoku, naria bara sako-ndua toYahudi lako ri propinsi Asia nanggava yaku. Ledo naria todea nosanggani-nggani ante yaku, bo ledo muni naria kagado tempo haitu.

Suro-Suro 26:11

Nadea ngganimo yaku nompandasa ira riara banua petupu. Nipasimbukuku nobarusu ira ala domo raoseakara i Yesus. Nagigi mpuu raraku nompekirika ira sampe yaku hau nangelo ira ri ngata-ngata nakavao.”

Suro-Suro 6:10

Tapi ledo nipakulera nombasapu anu niuli i Stefanus, sabana Nosa Gasa nu Alatala nombadekei kapande ka ia notesa.

1 Korintus 1:20

Jadi nuapa gunana tona napande? Nuapa gunana tona natau? Nuapa gunana tona napande notesa ri dunia hitu? Alatala nompakalanto pura-pura kapande nu manusia ledo ria gunana.

Galatia 1:21

Naupu haitu pade hau yaku ri bagia Siria bo Kilikia.