Suro-Suro 6:14 - Kaili Ledo

¹⁴ Niepe kami ia nanguli i Yesus toNazaret mombagerosi Banua nu Alatala bo mombabaliki pura-pura ada anu nidekei i Musa ka kita.”

Suro-Suro 6:14 ပူးပေါင်းရင်းမြစ်များ

Matius 26:61

bo nanguli, “Naria sanggani tona hitu nanguli ivei: Yaku nompakule mombagerosi Banua nu Alatala bo mombabanguna mpanjili riara talu-eo.”

Markus 14:58

< >>

Lukas 21:24

Sanu ira rapatesi ante guma. Sanu rasaka ratavani nu balira bo rakeni hau ri ngata-ngata ntanina. Bo ngata Yerusalem raparenta ntona ledo toYahudi sampe magana tempona nipakatantu nu Alatala ka ira.”

Lukas 21:6

“Makava tempona ngena pura-pura anu nikitamiu hitu magero. Domo maria sangua vatu potembona mosisunju ri bavo vatu ntanina, sabana pura-pura vatu haitu radurasi.”

Yohanes 2:19

Nesana i Yesus, “Geromo banua nu Alatala hitu bo Kubangu mpanjili riara tempo talu-eo.”

Yohanes 4:21

Nesana i Yesus ka ia, “Ina, pariaramo tesaKu hitu. Kana makava tempona tona domo mombasomba Tuamata Alatala ri bulu hitu bo domo muni ri ngata Yerusalem.

Suro-Suro 15:1

Naria bara sako-ndua toYahudi nakava ri Antiokhia lako ri bagia Yudea anu nomparasaya i Yesus. Ira nompatuduki topangoseaka i Yesus ri sia ivei: “Ane komiu ledo rasuna nantuntuni Atura-atura nipapola Nabi Musa, komiu ledo mamala rapakasalama.”

Suro-Suro 21:21

Niepera kareba anu nompakasala komiu. Niepera komiu nompatuduki pura-pura toYahudi anu nonturo ri ngata ntona ledo toYahudi, ala rakabasakara Atura-atura agama haitu. Niepera muni komiu nompatuduki domo paraluu ira mombasuna anara bo domo paraluu mantuntuni ada ntoYahudi.

Suro-Suro 25:8

Naupu ira nompangadu ia ivesia, i Paulus nanjaliku karona. Niulina, “Yaku hii ledo novia anu nadaa. Yaku ledo nombaliunaka Atura-atura agama Yahudi, bo ledo muni nompakaruto Banua nu Alatala. Ledo muni niliunakaku parenta Magau Mbaso.”

Suro-Suro 26:3

Nelabipa vai, Pua, sabana komiu mpuu-mpuu nangisani pura-pura ada bo pepatuduki nipoposisala kami toYahudi. Sabana haitu, yaku merapi mpuu-mpuu nte komiu, mosabara mangepe tesaku hitu.

Suro-Suro 28:17

Nagana talu-mbongi ri sia, i Paulus nompokio toYahudi anu naria nturona ri sia. Nasiromupa ira, nangulimo i Paulus, “Sampesuvu-sampesuvuku! Yaku ledo novia sala nuapa-nuapa ka sampesuvuta toYahudi bo ledo muni niliunakaku ada nitarimata lako ri totuata nggaulu. Tapi nau ivesia, yaku nisaka ri ngata Yerusalem bo nidekei ka pomarenta Magau Mbaso Roma.

Galatia 3:19

Jadi ane ivesia, nuapa tano patuju nu Atura agama? Alatala nombadekei Atura-atura agama naliutaka pojanjiNa ka i Abraham, ala malanto ka kita, manusia nadosa nombaliunaka dotaNa. PatujuNa ala Atura haitu rapake sampe kakava nu Muli i Abraham anu niboto riara pojanijiNa nte i Abraham nggaulu, haitumo i Yesus Kristus. Alatala nombatudu malaeka-malaekaNa manggeni Atura agama ka i Musa anu najadi topotariolo nompapola Atura haitu ka manusia.

Galatia 3:23

Bara ipia, dopame kita nomparasaya i Yesus, kita da natundu nte Atura agama. Kita nirapaka tona nitarunggu apa kita nipou Atura agama sampe makava tempona Alatala mompopaisani i Kristus ka kita, bo raparasayata Ia.