Suro-Suro 6:13 - Kaili Ledo

¹³ Nikenira muni sabi-sabi mpodava ri ngayo ntoPolibu haitu mombatesa i Stefanus anu ledo nakana-kanaka. Sabi-sabi haitu nanguli, “I Stefanus nasaro nanjalai Banua nu Alatala anu nagasa, bo nasaro muni nisalaina Atura-atura nu Alatala anu nipapola Nabi Musa ka kita.

Suro-Suro 6:13 ပူးပေါင်းရင်းမြစ်များ

Matius 24:15

I Yesus nompapola pepatudukiNa ka anaguruNa ivei: “Nabi Daniel nggaulu nombaboto ‘Toperopu anu Nompakarunggu rara nu Alatala.’ (Topombaca tesa hitu kana pariaramo batuana!) Ane rakitamiu anu niboto Nabi Daniel haitu neangga ri Banua nu Alatala,

Matius 26:59

Tempo haitu balengga-balengga ntopanggeni pesomba bo pura-pura topolibu ntanina ri Polibu Mbaso Agama Yahudi nompasimbuku mangelo tona nasadia mosabi dava ala i Yesus mamala rahuku mate.

Suro-Suro 21:28

bo nongare-ngare, “ToYahudi! Tulungimo kami! Hitumo tona hau ri umba-umba nompatuduki todea mangeva kita toYahudi. Nipatudukina tona mombabaliki Atura-atura agama anu nipapola Nabi Musa, bo nisalaina Banua nu Alatala hitu! Sii-sii nikenina tona ledo toYahudi nesua riara Banua nu Alatala nompakaruto ponturo nagasa hitu!”

Suro-Suro 25:8

Naupu ira nompangadu ia ivesia, i Paulus nanjaliku karona. Niulina, “Yaku hii ledo novia anu nadaa. Yaku ledo nombaliunaka Atura-atura agama Yahudi, bo ledo muni nompakaruto Banua nu Alatala. Ledo muni niliunakaku parenta Magau Mbaso.”

Suro-Suro 6:11

Jadi nidekeira doi mate ka bara sako-ndua tona ala raulira, “Niepe kami tona haitu nanjalai Nabi Musa bo Alatala.”

Suro-Suro 7:58

Nidiisakara hau ri savaliku ngata, bo nirempera vatu. Sabi-sabi mpodava ri Polibu Mbaso pangane, nombavonju bajura bo nibolira nte tona nosanga i Saulus, ala mabelo ira mombarempe i Stefanus.

Ibrani 7:12

Jadi ane topanggeni pesomba lako ri valaa i Lewi rasambei, natantumo atura-atura nikeniakara kana rasambei muni.