Suro-Suro 6:11 - Kaili Ledo

¹¹ Jadi nidekeira doi mate ka bara sako-ndua tona ala raulira, “Niepe kami tona haitu nanjalai Nabi Musa bo Alatala.”

Suro-Suro 6:11 ပူးပေါင်းရင်းမြစ်များ

Yohanes 1:17

Lako nte Nabi Musa nitarimata Atura-atura agama. Tapi lako nte i Yesus Kristus sampe mpuu-mpuu nisanita Alatala bo toveNa ka kita.

Yohanes 16:3

Rapoviara ivesia ka komiu sabana ira ledo nosisani ante TuamaKu bo ledo muni nosisani nte Yaku.

Yohanes 9:29

Nisani kami Alatala notesa nte i Musa nggaulu. Tapi tona haitu, ledo nisani kami unu nu apuNa.”

Suro-Suro 15:21

Aga atura-atura haitu raperapita raoseakara ala mombajagai kasintuvura nte toYahudi, sabana nompamula lako ri nggauluname, Atura-atura i Musa haitu nipatolelemo ri pura-pura ngata, bo nibaca ri eo-eo penonto ri banua-banua petupu ntoYahudi.”

Suro-Suro 18:6

Tapi aga nievara bo nisalaira i Paulus. Jadi i Paulus nombavurenggenaka pakeana, tandana ia mompalaisi ira sabana nipoarara tesana. Niulina, “Ane komiu rahuku nu Alatala, salamiu mboto, ledo salaku! Mompamula sii-sii yaku hau mompatolele Tesa nu Alatala ka tona ledo toYahudi!”

Suro-Suro 21:28

bo nongare-ngare, “ToYahudi! Tulungimo kami! Hitumo tona hau ri umba-umba nompatuduki todea mangeva kita toYahudi. Nipatudukina tona mombabaliki Atura-atura agama anu nipapola Nabi Musa, bo nisalaina Banua nu Alatala hitu! Sii-sii nikenina tona ledo toYahudi nesua riara Banua nu Alatala nompakaruto ponturo nagasa hitu!”

Suro-Suro 25:3

ala lako ri kabelo rarana, ratuduna ala i Paulus rakeni tumai ri ngata Yerusalem. Tano mai, patujura mombalava i Paulus ri dala bo mompatesi ia.

Suro-Suro 25:7

Nakavapa i Paulus, toYahudi anu notua lako ri ngata Yerusalem pangane, neangga nombatiku ia bo nompangadu ia ka i Festus. Mpengaya-ngaya kasala bo kadaa nipangadukara. Tapi aga nikara-karara nggoo, ledo ria katantuna nuapa sala i Paulus.

Suro-Suro 26:11

Nadea ngganimo yaku nompandasa ira riara banua petupu. Nipasimbukuku nobarusu ira ala domo raoseakara i Yesus. Nagigi mpuu raraku nompekirika ira sampe yaku hau nangelo ira ri ngata-ngata nakavao.”

Suro-Suro 6:10

Tapi ledo nipakulera nombasapu anu niuli i Stefanus, sabana Nosa Gasa nu Alatala nombadekei kapande ka ia notesa.

Suro-Suro 6:12

Ivesiamo ira nompakapane rara ntodea bo totua-totua ntoYahudi bo guru-guru agama sampe narau rarara nte i Stefanus. Jadi hau ira nombasaka i Stefanus, pade nikenira ratangara ri ngayo Polibu Mbaso Agama Yahudi.

Suro-Suro 6:13

Nikenira muni sabi-sabi mpodava ri ngayo ntoPolibu haitu mombatesa i Stefanus anu ledo nakana-kanaka. Sabi-sabi haitu nanguli, “I Stefanus nasaro nanjalai Banua nu Alatala anu nagasa, bo nasaro muni nisalaina Atura-atura nu Alatala anu nipapola Nabi Musa ka kita.

Roma 3:8

Ane ivesia, tantu rauli ntona: <> Naria mamimo tona nombasalai yaku, nanguli yaku mboto nompatuduki ivesia! Tapi ledo ntoto nakana! Tona nanguli yaku nepatuduki ivesia, iamo masipato rapambela pehuku nu Alatala!

1 Timotius 1:13

Bara ipia yaku nanjalai i Yesus, yaku nompandasa bo nompakadaa topangoseaka Ia. Tapi naupa ivesia, nipoasiNa yaku, sabana tempo haitu dopa niparasayaku Ia, dopa nisaniku poviaku haitu nadaa.