Suro-Suro 6:10 - Kaili Ledo

¹⁰ Tapi ledo nipakulera nombasapu anu niuli i Stefanus, sabana Nosa Gasa nu Alatala nombadekei kapande ka ia notesa.

Suro-Suro 6:10 ပူးပေါင်းရင်းမြစ်များ

Lukas 1:17

Ia majadi suro nu Alatala, naroso bo nakuasa mpo Nabi Elia nggaulu. Ia mompoposinggabelo ana-ana nte tuamara bo tona ledo nangoseaka Alatala rakenina mpanjili ri dala nakana. Pura-pura anu pangane rapoviana ala mompakasadia rara ntodea mantarima Alatala.”

Lukas 21:15

Apa Yaku mboto mombadekei ka komiu tesa-tesa bo noto mpekiri sampe ledo maria saitoa balimiu mompakule mombadagi bara mombabali tesamiu.

Yohanes 7:46

Nesanamo topojaga Banua nu Alatala haitu, “Dopa naria niepe kami tona notesa mpo Ia.”

Suro-Suro 5:39

Tapi ane pepatudukira bo anu nipoviara nopuna lako nte Alatala, ledo rapakuleta mombadagi ira. Ledo aga haitu! Nee sampe kita mangeva Alatala!” Naupu toPolibu Mbaso nangepe tesa i Gamaliel, nitarimaramo tesana.

Suro-Suro 6:11

Jadi nidekeira doi mate ka bara sako-ndua tona ala raulira, “Niepe kami tona haitu nanjalai Nabi Musa bo Alatala.”

Suro-Suro 6:9

Tapi naria muni tona nangeva ia. Ira haitu toYahudi anu nosambaya ri banua petupu niuli Banua Petupu nu Batua-Batua Nikabasaka. Ira toYahudi ntanina lako ri ngata Kirene bo ngata Aleksandria. Ira bo toYahudi lako ri propinsi Kilikia bo lako ri propinsi Asia nangeva bo nosisanai nte i Stefanus.

Suro-Suro 7:51

Sampesuvu-sampesuvu, nakaa mpuu bagamiu! Bo komiu mpuu-mpuu netibongo! Ledo nadota komiu mangepe bo mangoseaka Tesa nu Alatala! Komiu batena nasimbayu mpo totuamiu nggaulu nangeva Nosa Gasa nu Alatala!

1 Korintus 2:4

Tesa nipatoleleku ledo niuliku ante tesa-tesa mpeopa anu nopuna lako ri kapande nu manusia. Tapi tempo yaku nompatolele kareba haitu, nikitamiumo kuasa lako ri Nosa Gasa nu Alatala.