Suro-Suro 5:39 - Kaili Ledo

³⁹ Tapi ane pepatudukira bo anu nipoviara nopuna lako nte Alatala, ledo rapakuleta mombadagi ira. Ledo aga haitu! Nee sampe kita mangeva Alatala!” Naupu toPolibu Mbaso nangepe tesa i Gamaliel, nitarimaramo tesana.

Suro-Suro 5:39 ပူးပေါင်းရင်းမြစ်များ

Matius 16:18

Pomparasayamu tutu tuu sampe sangamu i Petrus—batuana ‘vatu’. Bo Yaku mompakajadi iko pakeni ntodea anu nomparasaya Yaku, ala iko mompakaroso rarara, masimbayu eva pandasi vatu nompakaroso banua. Bo ledo maria nuapa-nuapa mamala mombadagi todeaKu, nau kuasa kamatea.

Lukas 21:15

Apa Yaku mboto mombadekei ka komiu tesa-tesa bo noto mpekiri sampe ledo maria saitoa balimiu mompakule mombadagi bara mombabali tesamiu.

Suro-Suro 11:17

Sampesuvu-sampesuvuku, nalantomo Alatala nombadekei Nosa GasaNa ka tona ledo noagama Yahudi nasimbayu mpo nidekeiNa ka kita tempo kita nomparasaya i Pue Yesus Kristus. Jadi isema yaku sampe mamala kutagi Alatala ane Ia mboto madota mombadekei Nosa Gasa ka tona ledo noagama Yahudi?”

Suro-Suro 23:9

Jadi nadaa mpuumo kagado. Neangga bara sako-ndua toFarisi anu najadi guru agama bo ira mpuu-mpuu nombabali tesa ntoSaduki. Niulira, “Ane panggava kami, i Paulus hitu ledo ntoto naria salana, nau aga sakide. Bara naria anitu bara malaeka nTupu notesa ka ia.”

Suro-Suro 6:10

Tapi ledo nipakulera nombasapu anu niuli i Stefanus, sabana Nosa Gasa nu Alatala nombadekei kapande ka ia notesa.

Suro-Suro 7:51

Sampesuvu-sampesuvu, nakaa mpuu bagamiu! Bo komiu mpuu-mpuu netibongo! Ledo nadota komiu mangepe bo mangoseaka Tesa nu Alatala! Komiu batena nasimbayu mpo totuamiu nggaulu nangeva Nosa Gasa nu Alatala!

Suro-Suro 9:5

Nekutana i Saulus, “Isema komiu, tua?” Nesana topotesa haitu, “Yakumo i Yesus, tona nipandasamu.

1 Korintus 1:25

Apa kareba kamate i Kristus, anu nireke manusia ledo ria gunana, haitumo nompopakita kapande nu Alatala. Bo kapande nu Alatala neliupa pade kapande nu manusia. Panguli nu manusia, kamate i Kristus aga nompopakita kalente nu Alatala, tano mai anu niuli kalente nu Alatala haitu, nakuasapa pade pura-pura kuasa nu manusia.

1 Korintus 10:22

Kita aga mombaopa rau rara nTupu ane ratuntunita toposomba seta-seta! Atau nisarumakamiu kita nakuasapa pade Tupu?