Suro-Suro 5:36 - Kaili Ledo

³⁶ apa bara sako-mpae naliu neumba i Teudas. Pangulina ia tona nabaraka sampe nitasere pataatu tona nangoseaka ia. Tapi ia muni nipatesi bo pura-pura topangoseaka ia nasimpotare.

Suro-Suro 5:36 ပူးပေါင်းရင်းမြစ်များ

Matius 24:24

Apa kana meumba topodava manguli iramo Magau Topepakasalama, bo meumba muni nabi-nabi mpodava anu movia tanda-tanda nipokumaaka bo kabaraka-kabaraka mombabagiu tona. Ane mamala, nau tona nipelisi nu Alatala rabagiura muni!

Matius 24:26

Jadi ane maria tona manguli ka komiu, ‘Peintamo! Magau Topepakasalama naria hamai ri karava bai,’ nee hau! Ane raulira, ‘Peintamo! Ritu rabanuamo Ia,’ nee raparasayamiu tesara!

Matius 24:5

Apa madea tona makava mompobalu sangaKu. Raulira, iramo Magau Topepakasalama anu nijanji nu Alatala! Bo madea tona rabagiura.

Suro-Suro 21:38

Ane ivesia, ledo iko tano toMesir nangeva pomarenta bo nanggeni pata-njobu topepatesi nalai hau ri karava bai bara ipia?”

Suro-Suro 5:35

Naupu haitu niulikana ka toPolibu Mbaso haitu, ivei: “Sampesuvu-sampesuvuku toIsrael! Kita kana mompekiri pakabelo-belo anu rapoviata ka tona hitu,

Suro-Suro 8:9

Ri ngata haitu naria saito toposibalimata nosanga i Simon. Bara sakuya kasaena ia nompopokumaa todea ri ngata Samaria sabana poviana. Bo niulina iamo tona nabaraka.

Galatia 2:6

Jadi pakeni-pakeni ntodea topomparasaya anu nireke nalanga nturora nasituju ante Kareba Belo nipatoleleku. (Nau nalanga panggana nau ledo, nasimbayu ri panggitaku, sabana Alatala ledo nompelenje.) Ledo ria nuapa-nuapa nitambaira ka Kareba haitu.

Galatia 6:3

Ane tona nompekiri karona nabelopa pade karo roa, tano ledo, ia aga nombabagiu karona mboto.

2 Petrus 2:18

Apa ira nombasovadaka ante nalanga rara, tapi tesa-tesara ledo ria gunana. Ante tesara niopara tona dako nenonto novega nte roara nadaa pokaingguna. Tona haitu niopara ante nompadidisi dota rarara nadaa ala raoseakara mpanjili pokainggu nadaa anu dako nikabasakara.

2 Petrus 2:2

Nadea tona mompasiala pokainggu nu guru-guru gahaitu anu nangoseaka dota nu rarara nadaa. Bo pepatuduki nakana rasalai ntona sabana pokainggura haitu.

Yudas 1:16

Guru-guru mpodava gahaitu batena nongau bo nompakasala tona ntanina. Ira natuvu nangoseaka dota rarara nadaa. Ira nangoe nompakalanga karora mboto bo notesa namomi ala raoseaka ntona dotara.

Pompakita 17:3

Naupu haitu yaku nikuasai Nosa Gasa nu Alatala bo nikeni nu malaeka haitu hau ri karava bai. Hamai nikitaku saito mombine nesavi binata nalei buluna. Ri njumangu karo nu binata haitu nitulisi tesa-tesa anu nompandaente Alatala. Binata haitu muni nobalengga papitu bo notandu sapulu.

Pompakita 17:5

Ri kirena nitulisi sanga ledo nisani ntona batuana, ivei: NGATA BABEL ANU NAKALUMANA TINA NU PURA-PURA BAJINGA PONTURO NTOPOVIA MPENGAYA-NGAYA POKAINGGU NARUTO