Suro-Suro 5:30 - Kaili Ledo

³⁰ Komiu nantudu tona mompatesi i Yesus bo mombapaku Ia ri kayu salib. Tapi Alatala anu nisomba ntotuata nggaulu, Iamo nompakatuvu i Yesus mpanjili lako ri kamateNa.

Suro-Suro 5:30 ပူးပေါင်းရင်းမြစ်များ

Lukas 1:72

NijanjiNa muni mompoasi totuata nggaulu, bo mompakadupa pojanjiNa naroso ka ira.

Suro-Suro 10:39

Kamimo hii sabi pura-pura anu nipoviaNa ri tana ntoYahudi sampe ri ngata Yerusalem. Kaupuna i Yesus haitu nipatesi ntoYahudi, nipaku ri kayu salib.

Suro-Suro 13:33

haitu nipakadupaNamo ka kita tempo i Yesus nipakatuvuNa mpanjili. Naria nitulisi riara Mazmur karanduana ivei: ‘Ikomo AnaKu, eo hitu Yaku najadi TuamaMu.’ Mazmur 2:7

Suro-Suro 2:32

I Yesusmo hii niuli i Daud pangane, sabana Iamo tona nipakatuvu nu Alatala mpanjili. Kami pura-pura hii najadi sabiNa, sabana kami mboto nanggita i Yesus natuvu mpanjili.

Suro-Suro 22:14

Naupu haitu, niulikana yaku, ‘Alatala anu nipetupu ntotuata nggaulu, nompelisi iko ala musani anu nipodotaNa. NipelisiNa iko ala mukita i Yesus, Batua nu Alatala anu nangoseaka dotaNa, bo ala muepe mboto suara i Yesus.

Suro-Suro 3:26

Haitumo sabana Alatala nanganggataka BatuaNa i Yesus, bo nantudu Ia tumai nte kita toYahudi ntani ruru, ala radekeiNa belo ka kita, haitumo, Ia manggeni kita majea lako ri pokaingguta nadaa.”

Galatia 3:13

Kita manusia masipato rahuku nu Alatala, sabana kita pura-pura nombaliunaka AturaNa. Tapi i Kristus nombakabasaka kita lako ri pehuku haitu, sabana tempo Ia namate ri kayu salib, Iamo nihuku manjambei kita. Nisanita i Kristus nihuku nu Alatala sabana naria tesa riara Buku Gasa nanguli ivei: “Isema-sema namate niloe ri kayu, haitu tandana ia nihuku nu Alatala.”

1 Petrus 2:24

I Yesus mbotomo nanjimbuaka dosa-dosata tempo Ia nipaku ri kayu salib, ala kita rakabasaka lako ri kuasa nu dosa bo matuvu mangoseaka dota nu Alatala. Bo kita nipakabelomo lako ri baka-baka i Kristus.