Suro-Suro 5:3 - Kaili Ledo

³ Nanguli i Petrus ka ia, “Ananias, nakuya iko nompalamba Magau nu Seta nombakuasai raramu sampe nidavaimu Nosa Gasa nu Alatala? Iko nombaboliaka doimu sagaa ka iko mboto.

Suro-Suro 5:3 ပူးပေါင်းရင်းမြစ်များ

Matius 13:19

Savua nanavu ri dala nirapaka tona nangepe tesa Poparenta nu Alatala tapi ledo nisanira batuana. Bo nakavamo Magau nu Seta mangagosi tesa haitu lako riara ntaira.

Lukas 22:3

Tempo haitu Magau nu Seta nesua riara ntai i Yudas anu niuli Iskariot, saito lako ri sapulu randua anaguru i Yesus.

Yohanes 13:2

I Yesus bo ana-anaguruNa nonturo nangande nosinggani-nggani bo bongina haitu Magau nu Seta nesua ri pekiri i Yudas ana i Simon Iskariot ala mompobalu i Yesus ka baliNa.

Yohanes 13:27

Niala i Yudaspa roti haitu, kaliu-liu nesuamo Magau nu Seta riara ntaina. Bo nanguli i Yesus ka i Yudas, “Anu mupovia, poviamo masalisa!”

Suro-Suro 5:2

Bo doi ali ntana nipobalura haitu, sagaa nibolira ka ira mboto, bo sagaa nikeni i Ananias ka suro-suro. Nangulimo i Ananias, “Hitu puramo doi ali ntana nipobalu kami.” Poviana haitu nisani nu bereina muni.

Suro-Suro 5:4

Dopame nipobalumu tana haitu, iko mami tupuna. Bo naupu tana haitu nipobalumu, doi ali ntana haitu iko muni tupuna. Nakuya sampe naria patuju riara ntaimu nompovia anu nadaa? Iko ledo aga nodava ka manusia, tapi iko nodava ka Alatala!”

Suro-Suro 5:9

Nanguli i Petrus ka ia, “Nakuya iko bo bereimu i Ananias nasintuvu nombabagiu Nosa Gasa nu Alatala? Epemo! Tona nombatana bereimu, dako nanjili lako ri dayo. Iko muni rakenira hau ratana ri savalikuna!”

Yakobus 4:7

Sampesuvu-sampesuvu, komiu kana matundu nte Alatala. Evasimo Magau nu Seta, bo malai ia lako nte komiu.

1 Petrus 5:8

Komiu kana mainga bo manoto rara, sabana balimiu, Magau nu Seta hau tumai nasimbayu mpo singa nongao-ngao nompengavu tona rasakana.