Suro-Suro 5:27 - Kaili Ledo

²⁷ Suro-suro nikenira nesua nantingayo Polibu Mbaso. Pade Pakeni nTopanggeni Pesomba nomparesa ira, ivei:

Suro-Suro 5:27 ပူးပေါင်းရင်းမြစ်များ

Matius 5:22

Tapi Kuuli ka komiu, isema-sema narau rarana nte sampesuvuna masipato ratangara. Bo isema-sema nanjalai sampesuvuna masipato raposintingayo ri Polibu Mbaso Agama. Tapi isema-sema manguli ka sampesuvuna, ‘Kanavumo ri narakaa iko!’ ia haitumo masipato ratedaka riara apu narakaa.

Lukas 22:66

Naeo mpadondo nasiromumo tona ri Polibu Mbaso Agama Yahudi, haitumo totua-totua ntoYahudi, balengga-balengga ntopanggeni pesomba, bo guru-guru agama. Pade nikenira i Yesus hau ri ngayo ntoPolibu haitu.

Suro-Suro 22:30

Tadulako Magau Mbaso haitu mpuu-mpuu madota mangisani nuapa sabana toYahudi nompakasala i Paulus. Jadi kamailenapa nitudunamo balengga-balengga ntopanggeni pesomba ante pura-pura toPolibu Mbaso Agama masiromu. Bo nipekivolenamo rante i Paulus pade nikenina hau mantingayo polibu haitu.

Suro-Suro 4:7

Nasiromu purapa ira, nipekikeniramo i Petrus bo i Yohanes mantingayo ira pura-pura. Jadi nompamulamo ira nomparesa i Petrus bo i Yohanes ante nekutana, “Berimba komiu nompakabelo topunggu hitu? Ante kuasa nuapa, ante kuasa isema nipakemiu nompakabelo ia?”

Suro-Suro 5:21

Naupu nangepe tesa haitu, hau mpuumo suro-suro nanturusi anu niuli nu malaeka ka ira. Nasadondo mpuu ira hau ri doyata Banua nu Alatala bo nompamulamo nompatuduki tona ri sia. Tempo haitu Pakeni nTopanggeni Pesomba ante roa-roana nompokio pura-pura pakeni-pakeni ntoYahudi masiromu ri Polibu Mbaso Agama. Nitudura tona hau mangala suro-suro lako ri tarunggu, rakeni ratangara ri ngayora.

Suro-Suro 5:34

Tapi riara Polibu Mbaso naria saito toFarisi nosanga i Gamaliel. Ia guru agama mpuu-mpuu nipakaoge ntodea. Ia neangga bo nantudu tona manggeni suro-suro mesuvu ri savalikuna sampalai ala ledo raepera tesana.

Suro-Suro 6:12

Ivesiamo ira nompakapane rara ntodea bo totua-totua ntoYahudi bo guru-guru agama sampe narau rarara nte i Stefanus. Jadi hau ira nombasaka i Stefanus, pade nikenira ratangara ri ngayo Polibu Mbaso Agama Yahudi.