Suro-Suro 5:24 - Kaili Ledo

²⁴ Nangepe tesa haitu, pakeni ntopojaga Banua nu Alatala bo balengga-balengga ntopanggeni pesomba, naingu mpuu rarara nompekirika anu najadi ante suro-suro, bo naeka nompekirika anu majadi ngena.

Suro-Suro 5:24 ပူးပေါင်းရင်းမြစ်များ

Lukas 22:4

Naupu nipesua nu Magau Seta, hau ia nosinggava nte balengga-balengga ntopanggeni pesomba bo pakeni ntopojaga Banua nu Alatala, motesaka berimba rapobaluna i Yesus ka ira.

Lukas 22:52

Pade niulikaNa balengga-balengga ntopanggeni pesomba, pakeni-pakeni topojaga Banua nu Alatala, bo totua-totua ngata nakava ri sia mombasaka Ia, niuliNa: “Yaku hii ledo topeago sampe komiu kana makava ante guma bo pato mosaka Yaku!

Yohanes 12:19

Nanggita haitu, nosimpotesamo toFarisi, “Nidagimo kita! Peinta vei! Pura-pura tona ri dunia hau nangoseaka Ia!”

Suro-Suro 2:12

Nokumaa puramo ira bo naingu mpuu rarara sampe nosipekutana-tana, “Nuapa batuana kajadia hitu?”

Suro-Suro 4:1

Tempo i Petrus bo i Yohanes da notesa ka todea riara Banua nu Alatala, nakava bara sako-ndua topanggeni pesomba, pakeni ntopojaga Banua nu Alatala, bo toSaduki.

Suro-Suro 4:21

Ledo nikava ntopolibu anu masipato rahuku ka i Petrus bo Yohanes. Jadi niparanggara vaimo randua suro haitu pade nikabasakaramo, sabana naeka ira ka todea. Apa pura-pura todea nantoiya Alatala sabana kabaraka haitu.

Suro-Suro 5:23

Niulira, “Nakavapa kami ri tarunggu, nikita kami vamba ntarunggu niupi bo nigunji pakabelo-belo bo topojaga-topojaga naria pura ri vamba. Tapi tempo kami nombaungge vamba haitu, ledo ria saitoa tona nikava kami riarana.”

Suro-Suro 5:25

Dopa nasae, nakavamo saito langgai nanguli ka ira, “Epe vei! Tona nisuarakamiu riara ntarunggu, hitupa nompatuduki todea ri Banua nu Alatalamo!”

Suro-Suro 5:26

Nangepe tesa haitu, pakeni ntopojaga Banua nu Alatala ante pura-pura roana hau nialara mpanjili suro-suro. Tapi ledo niduasira, apa naeka ira ka todea. Niulira bara rarempe ntodea ante vatu ira ane raduasira suro-suro.