Suro-Suro 5:17 - Kaili Ledo

¹⁷ Kaupuna Pakeni nTopanggeni Pesomba ante roa-roana anu nangoseaka pepatuduki ntoSaduki, nasiriatimo nanggita kadea ntona nomparasaya i Yesus. Jadi ira nompamula nompandasa suro-suro i Yesus.

Suro-Suro 5:17 ပူးပေါင်းရင်းမြစ်များ

Matius 27:18

I Pilatus nanguli ivesia apa nisaninamo pakeni ntoYahudi nombadekei i Yesus ka ia sabana nasiriati.

Matius 3:7

Nadea toFarisi bo toSaduki nakava mekidiu nte i Yohanes. Tapi tempo i Yohanes nanggita ira, nanguli ia, “Komiu noakala nasimbayu eva ule! Nisarumakamiu ane komiu radiu, komiu ledo rapambela pehuku nu Alatala bara maipia! Tapi ledo nakana!

Yohanes 12:10

Balengga-balengga ntopanggeni agama nasintuvu mompatesi i Lazarus muni.

Yohanes 12:19

Nanggita haitu, nosimpotesamo toFarisi, “Nidagimo kita! Peinta vei! Pura-pura tona ri dunia hau nangoseaka Ia!”

Suro-Suro 13:45

Nanggita todea haitu, nasiriati mpuumo rara nu pakeni ntoYahudi. Nisalaira i Paulus, bo nievara pura-pura anu niulina.

Suro-Suro 15:5

Tapi bara sako-ndua toFarisi anu nomparasaya i Yesus neangga bo nanguli, “Ane tona ledo toYahudi nomparasaya i Yesus, ira kana rasuna bo rapatuduki mangoseaka Atura-atura nidekei Nabi Musa ka kita.”

Suro-Suro 17:5

Tapi toYahudi anu ledo nomparasaya i Yesus, nasiriati nanggita i Paulus bo i Silas, sabana nadea mpuu tona nomparasaya tesa i Paulus. Jadi nipasiromura tona aga notondodo-ndodo ri potomu, anu ledo naria pokarajaana. Nadeapa ira nasiromu, hau nipakagadoramo ngata haitu. Nakava ri banua i Yason anu niponturo i Paulus bo i Silas, nisuakira banua haitu rapangala i Paulus bo i Silas. Patujura ala gi Paulus mesuvu mantingayo todea.

Suro-Suro 4:26

Magau-magau ri dunia nasiromu nasadia meeva, bo totua-totua ngata nasintuvu mangeva Alatala bo Magau Topepakasalama nipelisiNa.’ Mazmur 2:1-2

Suro-Suro 4:6

Ira nolibu ante Pakeni nTopanggeni Pesomba, iamo i Hanas, bo muni ante sampesuvuna i Kayafas, i Yohanes, i Aleksander, bo sampesuvu-sampesuvuna ntanina.

Suro-Suro 5:16

Noumbe-umbe tona nakava lako ri ngata-ngata napara Yerusalem nanggeni tona nadua bo tona nipesua seta. Bo pura-pura tona haitu nipakabeloramo.

Suro-Suro 7:9

Totua-totuata, nasiriati nanggita tueira i Yusuf, sampe ia nipobalura ka toMesir. Ia nipajadi batua, tapi Alatala nombatulungi ia,

Galatia 5:21

Nario matara nte mbara-mbara ntona, ira nanginu sampe nalangu bo nasiromu nangande bo nanginu sampe nabasa, bo nadea muni pokainggu ntanina ivehaitu. Jadi evamo niuliku ka komiu bara ipia, kupopatora ka komiu sangganipa: tona nokainggu ivegahaitu ledo ntoto manggava bagia ri Poparenta nu Alatala.

Yakobus 4:5

Nee rapekirimiu anu niuli ri Buku Gasa ledo nakana. Niuli ivei: Alatala nompajadi rara ntaita tapi rara ntaita haitu nadea mpuu nipoinona.

1 Petrus 2:1

Sampesuvu-sampesuvu, nikavamiumo katuvu nabaru. Sabana haitu, tumo mokainggu nadaa. Nee modava. Nee aga mabelo ri sumba, nee masiriati bo nee mompakadaa tona ntanina.