Suro-Suro 4:24 - Kaili Ledo

²⁴ Naupu roara nangepe tesara haitu, pura-pura ira nosangu rara nekakai nte Alatala ivei: “Pue, Komiumo Topompajadi langi, tana, tasi, bo pura-pura isina.

Suro-Suro 4:24 ပူးပေါင်းရင်းမြစ်များ

Suro-Suro 14:15

“Nemo! Nee mpuu rasombamiu kami! Kami hii manusia biasa nasimbayu mpo komiu! Kami nakava ri sii mompatolele Kareba Belo ka komiu ala komiu mompalaisi kabiasamiu anu ledo naria gunana, evamo nombasomba viata-viata. Komiu kana metupu nte Alatala anu natuvu sampe ri kasae-saena. Iamo nompajadi langi, tana, tasi, bo pura-pura isina.

Suro-Suro 16:25

Nitasere natanga bongina, i Paulus bo i Silas nosambaya bo nodade nantoiya Alatala. Tona ntanina nitarunggu ri sia nompetalingai ira nodade.

Suro-Suro 4:23

Naupu i Petrus bo Yohanes nikabasaka, nanjilimo ira hau ri ponturo nu roara. Nakava ri sia, nitesara ka roara pura-pura anu niuli ntopolibu ka ira, haitumo balengga-balengga ntopanggeni pesomba bo pakeni-pakeni ntoYahudi ntanina.