Suro-Suro 4:19 - Kaili Ledo

¹⁹ Tapi nesana i Petrus bo i Yohanes, “Pekirimiu mbotomo mbana masipato rapovia kami ri panggita nu Alatala, mangoseaka parentamiu atau mangoseaka parenta nu Alatala.

Suro-Suro 4:19 ပူးပေါင်းရင်းမြစ်များ

Matius 22:21

Nesana ira, “Lenje bo sanga Magau Mbaso Kaisar.” Jadi nanguli i Yesus ka ira, “Ane ivesia, dekei ka Magau Mbaso anu masipato radekei ka Magau Mbaso, bo dekei ka Alatala anu masipato radekei ka Alatala!”

Lukas 22:8

I Yesus nombatudu i Petrus bo i Yohanes ivei: “Koi pasadiamiu kandea Paskah ka kita.”

Yohanes 7:24

Nee mompakasala tona nangoseaka anu nikita matamiu, tapi nangoseaka kanoana!”

Suro-Suro 4:13

Topolibu haitu nokumaa pura-pura nanggita kabia i Petrus bo i Yohanes notesa, nemopa nisanira randua suro haitu aga tona biasa anu ledo nosikola nalanga. Lako rahaitu nisanira mpuumo randua suro haitu nosamporoa nte i Yesus bara ipia.

Suro-Suro 5:28

“Komiu nitagi kami bara ipia, nee mpuu mompatolele pepatuduki i Yesus. Tapi ledo nepangala komiu, aga nggosena nipatolelemiu pepatuduki haitu ri njumangu ngata Yerusalem, bo niulimiu muni, i Yesus haitu namate nipatesi kami!”

Suro-Suro 5:29

Nesana i Petrus bo suro-suro ntanina, “Kami kana mangoseaka parenta nu Alatala, bo ledo parenta nu manusia.

1 Korintus 10:15

Komiu tona napande, jadi coba taseremiu mboto tesaku hitu bara nakana bara ledo.

2 Korintus 4:2

Tapi ane kami, kami domo nangoseaka pokainggu nadaa anu nepakaeya. Kami ledo nebagiu bo ledo nantenggoaka Tesa nu Alatala. Alatala sabi kami bo nikitaNa kami aga nompatolele anu nakana ala rasani ntodea kami namala raparasaya.

Efesus 6:1

Ngana-ngana, komiu kana matundu nte tina tuamamiu sabana haitumo pokainggu masipato ka topomparasaya i Pue.

1 Timotius 2:3

Nabelo ane kita mosambaya ivesia, bo nipokono nu Alatala Topompakasalama kita.

Ibrani 11:23

Lako ri pomparasaya ntina tuama i Musa, tempo i Musa nipoanaka, nitabuniakara talu-mbula kasaena sabana nikitara ia ngana nagaya. Nau Magau Mesir nomparenta pura-pura ngana langgai ntoIsrael kana rapatesi, ledo naeka ira nangeva parenta nu magau.

Yakobus 2:4

Batuana komiu nompoposisala singgamanusiamiu bo najadi topotangara anu nadaa pekirina.