Suro-Suro 4:17 - Kaili Ledo

¹⁷ Tapi ala kareba hitu domo matolele hanupa, aginamo raparanggata ira randua bo raulita ka ira nee mpuu ratesamiu i Yesus ka tona ntanina.”

Suro-Suro 4:17 ပူးပေါင်းရင်းမြစ်များ

Matius 27:64

Jadi haitu sampe kami merapi ala komiu mombatudu tantara-tantara hau mombajaga dayoNa ria sampe eo katataluna ala ledo maria loga anaguruNa hau mangala karobataNa bo manguli ka todea, ‘Natuvu mpanjili Ia!’ Ane majadi ivesia, pebagiu kaupuna madaapa pade pebagiuNa pamulana.”

Matius 9:30

Kaliu-liu nabelomo matara randua. Bo i Yesus nantagi ira ante mpuu-mpuu. NiuliNa, “Nee ntoto ratesa ka tona ntanina anu najadi nte komiu hitu.”

Yohanes 15:21

Pura-pura haitu rapoviara ka komiu sabana komiu najadi topangoseaka Yaku, apa ledo nisanira mpuu Alatala anu nantudu Yaku.

Suro-Suro 4:21

Ledo nikava ntopolibu anu masipato rahuku ka i Petrus bo Yohanes. Jadi niparanggara vaimo randua suro haitu pade nikabasakaramo, sabana naeka ira ka todea. Apa pura-pura todea nantoiya Alatala sabana kabaraka haitu.

Suro-Suro 5:24

Nangepe tesa haitu, pakeni ntopojaga Banua nu Alatala bo balengga-balengga ntopanggeni pesomba, naingu mpuu rarara nompekirika anu najadi ante suro-suro, bo naeka nompekirika anu majadi ngena.

Suro-Suro 5:28

“Komiu nitagi kami bara ipia, nee mpuu mompatolele pepatuduki i Yesus. Tapi ledo nepangala komiu, aga nggosena nipatolelemiu pepatuduki haitu ri njumangu ngata Yerusalem, bo niulimiu muni, i Yesus haitu namate nipatesi kami!”

Efesus 6:9

Bo komiu anu najadi tua atau madika, komiu muni kana mokainggu mabelo nte batuamiu. Nee momparangga ira, sabana nisanimiu mboto Tupumiu bo Tupura aga saito. Iamo naria ri suruga bo Ia ledo nompelenje.

1 Tesalonika 1:8

Nompamula nte komiu, kareba i Yesus natolelemo sampe ri propinsi Makedonia bo Akhaya. Bo ledo aga haitu. Ri umba-umba ngata niepe ntonamo tesa pomparasayamiu Alatala. Jadi, ledo paraluu kami motesaki pomparasayamiu, sabana ri umba-umba nikalau kami, tesa haitu nisani ntonamo.

1 Petrus 2:23

Tempo Ia nisalai ntona, ledo nibalasiNa. Tempo Ia nipandasa, Ia ledo nesava. Tapi Ia aga nanjarumaka Alatala, Topotangara nanoa anu manjaliku Ia.