Suro-Suro 4:13 - Kaili Ledo

¹³ Topolibu haitu nokumaa pura-pura nanggita kabia i Petrus bo i Yohanes notesa, nemopa nisanira randua suro haitu aga tona biasa anu ledo nosikola nalanga. Lako rahaitu nisanira mpuumo randua suro haitu nosamporoa nte i Yesus bara ipia.

Suro-Suro 4:13 ပူးပေါင်းရင်းမြစ်များ

Matius 11:25

Tempo haitu nosambayamo i Yesus. NiuliNa, “Tata, Komiumo Tupu nu langi bo tana. Yaku nosukuru nte Komiu sabana nipopaisaniMiu pura-pura anu pangane ka tona ledo natau. Tapi nitabuniakaMiu ka tona nangisani bo tona napande,

Matius 26:71

Naupu haitu i Petrus hau ri bobaa nu doyata. Ri sia saito batua mombine ntanina nanggita ia bo nanguli ka tona hamai, “Tona hitu muni nosanggani-nggani ante i Yesus, toNazaret haitu.”

Matius 26:73

Dopa nasae, tona neangga hamai nanggaparai i Petrus bo nanguli, “Natantumo iko muni topangoseaka i Yesus, apa nalanto lako ri enggo ntesamu iko toGalilea!”

Lukas 22:8

I Yesus nombatudu i Petrus bo i Yohanes ivei: “Koi pasadiamiu kandea Paskah ka kita.”

Yohanes 19:26

I Yesus nanggita tinaNa neangga hamai ri sinjori anaguru nipotoveNa, niuliNamo ka tinaNa, “Ina, reke anamumo ia.”

Yohanes 7:15

Pakeni ntoYahudi nokumaa mpuu nangepe pepatuduki i Yesus, bo nanguli, “Hee! Nakuya sampe nadea mpuu nisaniNa, tano mai Ia ledo nosikola?”

Yohanes 7:49

Aga todea biasa gahaitu nomparasaya, apa ledo nisanira Atura-atura agama. Nasurukavumo ira!”

Suro-Suro 4:14

Topolibu ledo namala nompoara tesa i Petrus bo i Yohanes, sabana topunggu nipakabelo haitu neangga ri ngayora nosanggani-nggani ante i Petrus bo i Yohanes.

Suro-Suro 4:19

Tapi nesana i Petrus bo i Yohanes, “Pekirimiu mbotomo mbana masipato rapovia kami ri panggita nu Alatala, mangoseaka parentamiu atau mangoseaka parenta nu Alatala.

Suro-Suro 4:29

Pue, epemo tesara nomparangga kami. Kami batuaMiu, bo kami merapi tulungi nte Komiu ala kami ledo maeka mompatolele tesaMiu.

Suro-Suro 4:31

Naupu ira nosambaya, banua nikasiromura haitu nogoya. Ira pura-pura nikuasai nu Nosa Gasa nu Alatala, bo nipatolelera tesa nu Alatala bo domo ntoto naeka rarara.

Suro-Suro 9:27

Jadi i Barnabas hau nombatulungi i Saulus. Nikenina ia hau motesa nte suro-suro. I Barnabas notesa ka ira berimba i Saulus nanggita i Pue Yesus ri tatanga nu dala, bo i Pue notesa ka ia. Nitesana muni kabia i Saulus nompatolele kareba i Yesus ka tona ri ngata Damsyik.

Suro-Suro 9:28

Nangepe tesa i Barnabas, nitarima nu suro-suromo i Saulus monturo singgani nte ira. Naupu sia, i Saulus nompatolele kareba i Pue Yesus ri njumangu ngata Yerusalem bo ledo ria eka nu rarana.

1 Korintus 1:27

Tapi Alatala nompelisi tona nireke nadoyo ri panggita ntona ri dunia, ala tona natau maeya matara. NipelisiNa tona ledo nakuasa ri panggita ntona ri dunia, ala tona nakuasa maeya matara.

1 Korintus 14:25

Pura-pura pekirina anu nitabuniakana riara ntaina rapakalanto sampe ia kana mantaputu mombasomba Alatala bo manguli, “Mpuu-mpuu Alatala naria ri tatangamiu ri sii.”

2 Korintus 3:12

Kami nanjarumaka pojanji nu Alatala anu nabaru, anu ledo mabali-bali. Haitumo sampe kami nabia mpuu nompatolele Kareba Belo.