Suro-Suro 4:1 - Kaili Ledo

¹ Tempo i Petrus bo i Yohanes da notesa ka todea riara Banua nu Alatala, nakava bara sako-ndua topanggeni pesomba, pakeni ntopojaga Banua nu Alatala, bo toSaduki.

Suro-Suro 4:1 ပူးပေါင်းရင်းမြစ်များ

Matius 16:12

Lako rahaitu pade nanoto rarara i Yesus ledo nompopainga ira ka ragi nu roti tapi nipopaingaNa ka pepatuduki ntoFarisi bo toSaduki.

Matius 22:16

Nitudura bara sako-ndua ana-anagurura bo bara sako-ndua tona nosabingga nte Magau Herodes hau nte i Yesus bo manguli ivei: “Guru, nisani kamimo Komiu tona nanoa. Komiu nompatuduki pakalanto dota nu Alatala ka manusia. Komiu ledo naeka ante isema-sema sabana Komiu ledo nompelenje.

Matius 27:20

Tapi balengga-balengga ntopanggeni pesomba bo totua-totua ntoYahudi nompakapane rara ntodea ala raperapira i Pilatus mombakabasaka i Barabas ka ira, bo i Yesus rahuku mate.

Matius 27:41

Ivesia muni balengga-balengga ntopanggeni pesomba bo guru-guru agama bo totua-totua ntoYahudi nombadee-dee Ia. Niulira,

Matius 3:7

Nadea toFarisi bo toSaduki nakava mekidiu nte i Yohanes. Tapi tempo i Yohanes nanggita ira, nanguli ia, “Komiu noakala nasimbayu eva ule! Nisarumakamiu ane komiu radiu, komiu ledo rapambela pehuku nu Alatala bara maipia! Tapi ledo nakana!

Lukas 20:1

Naria saeo i Yesus nompaguru bo nompatolele Kareba Belo ka todea ri doyata Banua nu Alatala. Sampesanika nakavamo balengga-balengga ntopanggeni pesomba, guru-guru agama bo totua-totua ntoYahudi

Lukas 22:4

Naupu nipesua nu Magau Seta, hau ia nosinggava nte balengga-balengga ntopanggeni pesomba bo pakeni ntopojaga Banua nu Alatala, motesaka berimba rapobaluna i Yesus ka ira.

Yohanes 15:20

Toramo tesa niuliKumo ka komiu: batua ledo naogepa pade madikana. Ane Yaku nipandasara, natantumo komiu muni rapandasara. Ane nioseakara pepatudukiKu, natantumo raoseakara muni pepatudukimiu.

Yohanes 18:3

Jadi i Yudas nanggeni salunu tantara nu Magau Mbaso Roma bo topojaga Banua nu Alatala hau ri pampa haitu. Ira nitudu nu balengga-balengga ntopanggeni pesomba bo toFarisi. Nikenira poindo, sulo bo pareva posieva.

Suro-Suro 4:6

Ira nolibu ante Pakeni nTopanggeni Pesomba, iamo i Hanas, bo muni ante sampesuvuna i Kayafas, i Yohanes, i Aleksander, bo sampesuvu-sampesuvuna ntanina.

Suro-Suro 5:17

Kaupuna Pakeni nTopanggeni Pesomba ante roa-roana anu nangoseaka pepatuduki ntoSaduki, nasiriatimo nanggita kadea ntona nomparasaya i Yesus. Jadi ira nompamula nompandasa suro-suro i Yesus.

Suro-Suro 5:24

Nangepe tesa haitu, pakeni ntopojaga Banua nu Alatala bo balengga-balengga ntopanggeni pesomba, naingu mpuu rarara nompekirika anu najadi ante suro-suro, bo naeka nompekirika anu majadi ngena.

Suro-Suro 5:26

Nangepe tesa haitu, pakeni ntopojaga Banua nu Alatala ante pura-pura roana hau nialara mpanjili suro-suro. Tapi ledo niduasira, apa naeka ira ka todea. Niulira bara rarempe ntodea ante vatu ira ane raduasira suro-suro.

Suro-Suro 6:12

Ivesiamo ira nompakapane rara ntodea bo totua-totua ntoYahudi bo guru-guru agama sampe narau rarara nte i Stefanus. Jadi hau ira nombasaka i Stefanus, pade nikenira ratangara ri ngayo Polibu Mbaso Agama Yahudi.

Suro-Suro 6:7

Ivesiamo kareba nu Alatala nipatolele njuu bo kadea ntopomparasaya i Yesus ri ngata Yerusalem nantambai mpuumo. Bo nadea muni topanggeni pesomba nangoseaka i Yesus.