Suro-Suro 3:6 - Kaili Ledo

⁶ Tapi nanguli i Petrus ka ia, “Yaku ledo naria doiku, tapi anu naria nte yaku, haitumo kudekei ka iko. Ante kuasa i Yesus Kristus toNazaret, polipamo!”

Suro-Suro 3:6 ပူးပေါင်းရင်းမြစ်များ

Matius 10:9

Nee rakenimiu doi bulava bara doi salaka bara doi tambaga riara karepemiu.

Matius 7:22

Ri Eo Potangara bara maipia madea tona manguli ka Yaku, ‘Pue, Pue! Kami nompasimbayu tesaMiu ka tona ntanina ante kuasaMiu bo ante kuasaMiu muni kami nompopalai seta-seta lako nte tona. Bo nadeamo kabaraka nipovia kami nte kuasaMiu!’

Markus 14:8

Mombine hitu novia anu nipakulena. Ia nombatoli lana dupa ka Yaku mompakasadia karoKu ratana.

Markus 16:17

Tona nomparasaya radekeika kuasa movia kabaraka-kabaraka, evamo mompopalai seta-seta ante kuasaKu. Ira motesa ante basa-basa anu ledo nipegurura.

Yohanes 19:19

I Pilatus nantudu tantarana mompataka dopi ri kayu salib i Yesus. Nitulisi ri dopi haitu ivei: I YESUS TONAZARET, MAGAU NTOYAHUDI.

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Suro-Suro 16:18

Bara sako-eo kasaena mombine haitu ledo naupu-upu nongare ivesia. Kaupuna domo nosabara i Paulus nangepe mombine haitu, jadi neili ntaliku ia bo nanguli ka seta anu nombakuasai mombine haitu, “Ante kuasa i Yesus Kristus, kutudu iko palaimo lako ri mombine tutu!” Naupu sia, seta haitu nalai mpuumo lako ri mombine haitu.

Suro-Suro 2:22

I Petrus nompakapola tesana ivei: “Sampesuvu-sampesuvuku toIsrael! Pariaramo tesaku hitu! Alatala nompopakita ka komiu pura-pura, Ia mpuu-mpuu nompelisi bo nantudu i Yesus toNazaret, sabana nidekeikaNa kuasa movia kabaraka bo tanda-tanda nipokumaaka. Nisanimiu mboto tesaku hitu nakana, sabana kajadia haitu pura-pura najadi ri tatangata.

Suro-Suro 2:36

Bo i Petrus nompakaupu tesana, bo nanguli, “Jadi sampesuvu-sampesuvu, haitumo sampe kita toIsrael pura-pura, kana rasanita mpuu-mpuu, i Yesus hitumo anu nipakumiu ri kayu salib, Iamo nipelisi nu Alatala majadi Tupu bo Magau Topepakasalama!”

Suro-Suro 3:16

Jadi sampesuvu-sampesuvu, nikitamiu topunggu hitu bo nisanimiumo ia. Ia nomparasaya i Yesus, jadi i Yesus nompakaroso kadana. Nikitamiu mboto, ia nabelo mpuumo sabana pomparasayana i Yesus.

Suro-Suro 3:5

Topunggu haitu nompeintaka ira bo nisarumakana bara maria anu radekeira ka ia.

Suro-Suro 3:7

Pade nikangisi i Petrusmo pale nggana ntopunggu, bo nitulungina ia meangga. Kaliu-liu narosomo kadana ante buku dalina.

Suro-Suro 4:10

Jadi ala rasanimiu bo ala rasani nu sampesuvuta toIsrael pura muni, kami manguli ka komiu, tona hitu nipakabelomo bo ia neangga ri ngayomiu pura-pura sabana kuasa lako nte i Yesus Kristus toNazaret. Komiu nombapaku i Yesus ri kayu salib sampe namate, tapi Alatala nompakatuvu Ia mpanjili.

Suro-Suro 4:7

Nasiromu purapa ira, nipekikeniramo i Petrus bo i Yohanes mantingayo ira pura-pura. Jadi nompamulamo ira nomparesa i Petrus bo i Yohanes ante nekutana, “Berimba komiu nompakabelo topunggu hitu? Ante kuasa nuapa, ante kuasa isema nipakemiu nompakabelo ia?”

Suro-Suro 9:34

Nanguli i Petrus ka ia, “Eneas, i Yesus Kristus mompakabelo iko. Pembangumo, pasiayumo paturumu.” Naupu haitu kaliu-liu nabelomo i Eneas bo nembangu mpuumo ia.

1 Korintus 4:11

Sampe sii-sii kami nasaro naara tai bo nabai tambolo. Kami nopakea nte sanjia-njia, kami niboba ntona bo ledo ria ponturo nikaroo kami.

2 Korintus 6:10

Nau kami nasaro nipakasusa, tapi kami batena nadamba. Kami napakasi, tapi kamimo anu nanggeni belo ka tona nadea. Nikita eva ledo ria nuapa-nuapa nte kami, tapi kakanana mpengaya-ngaya naria nte kami.

2 Korintus 8:12

Apa ane rarata mpuu-mpuu mombadekei, pedekeita haitu ratarima nu Alatala nangoseaka anu naria nte kita, ledo nangoseaka anu ledo ria nte kita.

2 Korintus 8:9

Ledo paraluu kuparenta komiu apa nisanimiu mboto kambaso pepotove nTuputa i Yesus Kristus ka kita. Naupa Ia mpuu-mpuu nakalumana, nikabasakaNa pura-pura kakalumanaNa haitu ala mantulungi kita. Ia najadi manusia napakasi ala kita mamala majadi nakalumana ri panggita nTupu.

Yakobus 2:5

Sampesuvu-sampesuvu nipotoveku, epemo pakabelo-belo! Tona napakasi ri dunia hitu nipelisi nu Alatala. Nau ledo nadea kakalumanara ri dunia hitu, ira nipelisi nu Alatala majadi tona naoge pomparasayara. Iramo majadi todea riara Poparenta nu Alatala nangoseaka anu nijanjiNa ka tona nompotove Ia.

1 Petrus 4:10

Kita simbo nidekeika pompakule ledo nasimbayu lako nte Alatala, bo kita kana mompake pakabelo pompakule nipatava ka kita mombatulungi tona ntanina.