Suro-Suro 3:25 - Kaili Ledo

²⁵ Janji-janji nu Alatala anu nipasimbayu nu nabi-nabi, nambela komiu sii-sii. Pojanji nipovia nu Alatala nte totuamiu nggaulu nambela muni nte komiu. Alatala nojanji ka Nabi Abraham, totuata nggaulu ivei: ‘Lako ri mulimu ngena, Kudekei belo ka pura-pura manusia ri dunia.’ Kajadia 22:18; 26:4 Jadi sampesuvu-sampesuvu, komiumo nantarima belo nijanji nu Alatala haitu!

Suro-Suro 3:25 ပူးပေါင်းရင်းမြစ်များ

Lukas 1:72

NijanjiNa muni mompoasi totuata nggaulu, bo mompakadupa pojanjiNa naroso ka ira.

Suro-Suro 13:26

I Paulus nompapola tesana ivei: “Sampesuvu-sampesuvu muli i Abraham bo sampesuvu-sampesuvu ntanina anu natundu nte Alatala. Alatala nompakatu ka kita kareba anu mompakalanto berimba Alatala mompakasalama kita.

Suro-Suro 2:39

Apa Alatala nojanji mombadekei Nosa Gasa ka komiu pura-pura, bo ka muli nu mulimiu, bo ka tona ri ngata nakavao. PojanjiNa haitu ka pura-pura tona nipokio nTuputa Alatala majadi todeaNa.”

Roma 15:8

Toramo, i Kristus nakava ri dunia mombatulungi toYahudi, ala pojanji nu Alatala ka totuara nggaulu madupa bo rasani ntona pura-pura, tesa nu Alatala namala raparasaya.

Roma 4:13

Tempo nggaulu Alatala nojanji ka i Abraham bo muli-mulina, dunia majadi bagiara. Alatala nojanji ivesia ledo sabana i Abraham nangoseaka Atura-atura agama, tapi sabana niparasayana Alatala bo Alatala nombareke ia nanoa ri panggitaNa.

Galatia 3:16

Ivesia muni ante pojanji nu Alatala. Ia nombadekei pojanjiNa ka i Abraham bo mulina. Riara Buku Gasa ledo nitulisi belo haitu radekei “ka muli-mulimu”, batuana, ka muli dea i Abraham. Anu nitulisi, belo haitu radekei “ka mulimu”, batuana ka saito muli i Abraham, haitumo i Yesus Kristus.

Galatia 3:29

Jadi ane komiu todea i Yesus Kristus, komiu muni muli-muli i Abraham. Bo komiu muni masipato mantarima anu nijanji nu Alatala ka i Abraham.

Galatia 3:8

Lako ri lamba pamulana Alatala nonia ala tona ledo toYahudi majadi manoa ri panggitaNa sabana pomparasayara. Jadi kareba nabelo haitu nipopaisaniNa nokolu ka i Abraham, evamo nitulisi ri Buku Gasa ivei: “Pura-pura manusia ri dunia manggava belo lako nte Yaku sabana komiu.”

Pompakita 14:6

Bo nikitaku saito malaeka ntanina nevoro ri laerava. Ia nanggeni Kareba Belo anu ledo nabali sampe ri kasae-saena ka pura-pura manusia ri dunia, haitumo ka tona ri pura-pura ngata, ri pura-pura valaa, bo lako ri pura-pura basa ri dunia.

Pompakita 5:9

Totua-totua gahaitu nodade sanggayu dade nabaru ka Ana Bimba ivei: “Komiumo masipato mangala sura haitu bo mombabuka populuna. Sabana, Komiu nipatesi bo ante raa nggamateMiu haitu nitoloMiu manusia lako ri njumangu dunia majadi todea nu Alatala, haitumo tona lako ri pura-pura ngata, bo lako ri pura-pura valaa bo tona lako ri mpengaya-ngaya basa ri dunia.

Pompakita 7:9

Naupu haitu, naria vai anu nipopakita ka yaku. Nikitaku nadea mpuu manusia, ledo rapakule ntona mombabila kadeana! Ira topomparasaya lako ri njumangu dunia, lako ri pura-pura ngata, lako ri pura-pura valaa, bo tona lako ri pura-pura basa ri dunia. Ira neangga ri ngayo Gadera Kamagaua nu Alatala bo ri ngayo Ana Bimba. Ira nopakea mputi pura bo novenggo-venggo tava, tandana nadamba rarara.