Suro-Suro 3:20 - Kaili Ledo

²⁰ Bo Alatala mompakaroso bo mompakasana raramiu. Bo Ia muni mombatudu i Yesus makava nte komiu, sabana i Yesus hitumo nipelisi nu Alatala majadi Magau anu mompakasalama komiu.

Suro-Suro 3:20 ပူးပေါင်းရင်းမြစ်များ

Matius 16:27

Jadi, oseakamo Yaku nau sampe mamate. Apa domo masae Yaku, Ana nu Manusia makava lako ri suruga ante kuasa bo reme lako nte TuamaKu, mosanggani-nggani ante malaeka-malaekaNa. Bo tempo haitu Kubalasi pura-pura tona nangoseaka pokaingguna.

Matius 24:3

Naupu haitu hau ri Bulu Zaitunmo i Yesus. Tempo Ia da nonturo hamai, ana-anaguruNa nakava motesa nggalino nte Ia. Niulira, “Guru, uli ka kami, maipia majadi pura-pura anu nitesaMiu pangane, bo berimba tandana kakavaMiu bo kaupu nu dunia hitu?”

Markus 13:26

Bo ri tempo haitu pura-pura manusia ri dunia manggita Yaku, Ana nu Manusia, manau riara kulimu. Bo rakitara kaogeKu bo kuasaKu nipokumaaka.

Lukas 19:11

Tempo tona da nangepe tesa i Yesus pangane, nitesaNa sangupa porapa ka ira. Apa tempo haitu naparamo Ia ri ngata Yerusalem, bo nisarumaka ntodea masalisa mompamula Poparenta nu Alatala ri dunia, tano dopa.

Lukas 21:27

Maupu haitu, rakitaramo Yaku, Ana nu Manusia, manau riara kulimu. Bo rakitaramo kuasaKu bo kaogeKu nipokumaaka.

Suro-Suro 17:31

Apa nipakatantuNamo tempona bara maipia pura-pura manusia ri dunia ratangara ri kanoana. Pokarajaa motangara haitu nidekeiNa ka saito tona nipelisiNa lako ri nggauluname. Alatala nompakatuvu mpanjili tona haitu lako ri kamateNa ala malanto ka pura-pura tona Ia mpuu-mpuu nipelisi nu Alatala majadi Topotangara pura-pura manusia.”

Suro-Suro 3:19

Jadi sampesuvu-sampesuvu, komiu kana majea lako ri dosa-dosamiu bo matundu nte Alatala ala dosa-dosamiu ralelakaNa.

Suro-Suro 3:21

I Yesus kana monturo ri suruga sampe makava tempona Alatala mompakabaru pura-pura, evamo nitesaNa ka nabi-nabi nipelisiNa nggaulu.

2 Tesalonika 2:2

nee masalisa gaga maingu atau masesa raramiu ane raepemiu tona manguli nakava mpanjilimo i Pue Yesus. Nee maingu, nau rauli ntona kareba haitu lako ri Nosa Gasa, bara raulira kami mboto bara anu nitulisi kami riara sura.

2 Tesalonika 2:8

pade meumba Topesapuaka. Tapi tempo i Pue Yesus meonga ante kuasaNa nareme, kuasa nTopesapuaka malipo sanggani, bo i Pue Yesus mompatesi ia ante nosa lako ri sumbaNa.

Ibrani 9:28

Jadi ivesia muni i Kristus namate aga sanggani majadi pesomba pompakalali dosa ntodea. Naupu haitu Ia makava sangganipa, ledo mompakalali dosa, tapi mompakasalama tona nalentora nompopea kakavaNa.

Pompakita 1:7

Peintamo! Ia makava nibungu kulimu. Ia rakita ntona pura-pura, nau ira anu nombatosu usuNa. Bo pura-pura valaa manusia ri dunia motumangi mpojea manggita Ia. Haitu mpuu-mpuu majadi! Amin!