Suro-Suro 3:16 - Kaili Ledo

¹⁶ Jadi sampesuvu-sampesuvu, nikitamiu topunggu hitu bo nisanimiumo ia. Ia nomparasaya i Yesus, jadi i Yesus nompakaroso kadana. Nikitamiu mboto, ia nabelo mpuumo sabana pomparasayana i Yesus.

Suro-Suro 3:16 ပူးပေါင်းရင်းမြစ်များ

Matius 14:29

Nesanamo i Yesus, “Kamaimo!” Jadi nanaumo i Petrus lako riara sakaya, bo nolipamo ia ri bavo nu uve manggaparai i Yesus.

Matius 9:22

Neilimo i Yesus nompeinta mombine haitu. Bo niuliNa ka ia, “Anaku, pakaroso raramu! Mabelomo iko sabana iko nomparasaya.” Bo eva nisuka, nabelo mpuumo mombine haitu.

Yohanes 14:12

Pariaramo tesaKu hitu, isema-sema nomparasaya Yaku, mamala movia anu nipoviaKu. Bo ledo aga haitu, madeapa vai rapoviana pade anu nipoviaKu, sabana Yaku hau manjili nte TuamaKu.

Yohanes 7:23

Komiu novia ada posuna ri eo penonto ala ledo raliunakamiu Atura-atura anu nidekei i Musa. Jadi nakuya komiu narau ka Yaku nompakabelo saito tona nadua njumanggaro ri eo penonto?

Suro-Suro 14:9

Topunggu haitu nonturo nangepe tesa i Paulus. I Paulus nanggita tona haitu bo nisanina tona haitu mamala rapakabelo sabana niparasayana mpuu. Jadi i Paulus nompeintaka ia,

Suro-Suro 16:18

Bara sako-eo kasaena mombine haitu ledo naupu-upu nongare ivesia. Kaupuna domo nosabara i Paulus nangepe mombine haitu, jadi neili ntaliku ia bo nanguli ka seta anu nombakuasai mombine haitu, “Ante kuasa i Yesus Kristus, kutudu iko palaimo lako ri mombine tutu!” Naupu sia, seta haitu nalai mpuumo lako ri mombine haitu.

Suro-Suro 3:6

Tapi nanguli i Petrus ka ia, “Yaku ledo naria doiku, tapi anu naria nte yaku, haitumo kudekei ka iko. Ante kuasa i Yesus Kristus toNazaret, polipamo!”

Suro-Suro 3:8

Ia kaliu-liu nekavantu bo neangga bo nompamula nolipa hau tumai. Naupu sia, nesuamo ia riara doyata Banua nu Alatala nosanggani-nggani nte i Petrus bo i Yohanes. Ia nolipa bo nekavantu-vantu nantoiya Alatala.

Suro-Suro 4:10

Jadi ala rasanimiu bo ala rasani nu sampesuvuta toIsrael pura muni, kami manguli ka komiu, tona hitu nipakabelomo bo ia neangga ri ngayomiu pura-pura sabana kuasa lako nte i Yesus Kristus toNazaret. Komiu nombapaku i Yesus ri kayu salib sampe namate, tapi Alatala nompakatuvu Ia mpanjili.

Suro-Suro 4:30

Pue, tulungi ala tona nadua mamala rapakabelo bo kabaraka bo tanda nipokumaaka majadi ante kuasa i Yesus, BatuaMiu nagasa.”

Suro-Suro 4:7

Nasiromu purapa ira, nipekikeniramo i Petrus bo i Yohanes mantingayo ira pura-pura. Jadi nompamulamo ira nomparesa i Petrus bo i Yohanes ante nekutana, “Berimba komiu nompakabelo topunggu hitu? Ante kuasa nuapa, ante kuasa isema nipakemiu nompakabelo ia?”

Roma 3:22

Haitumo, Alatala mombareke kita nanoa ane kita nomparasaya i Yesus Kristus. Isema-sema nomparasaya i Kristus, tantu rareke nu Alatala nanoa, sabana Alatala ledo nompelenje.

1 Korintus 13:2

Bo ane kupakule mompasimbayu tesa-tesa nitarimaku lako nte Alatala, bo ane kusani mpengaya-ngaya anu nitabuniaka bo kusani muni mpengaya-ngaya pangisani ntanina, bo pomparasayaku maroso mpuu sampe yaku mamala mantudu bulu molinja, tapi ane ledo kupotove tona ntanina, katuvuku ledo ntoto ria gunana.