Suro-Suro 28:8 - Kaili Ledo

⁸ Tempo haitu, tuama i Publius kambale-mbale naturu apa nakokora bo nabunjoro. Jadi i Paulus hau nesua nte ia, nombadika palena ri karo ntotua bo nosambaya. Naliu haitu nabelomo totua.

Suro-Suro 28:8 ပူးပေါင်းရင်းမြစ်များ

Matius 10:1

I Yesus nompasiromu ana-anaguruNa, bo nidekeiNa ka ira kuasa mompopalai seta-seta bo mompakabelo tona nadua mpengaya-ngaya.

Matius 10:8

Pakabelo tona nadua, pakatuvu mpanjili tona namatemo, pakabelo tona nadua oge, popalai seta-seta anu nesua ri karo ntona. Kuasa haitu nidekei bayangi ka komiu, ledo nialimiu. Jadi dekeimiu bayangi muni ka tona ntanina.

Matius 12:13

Naupu haitu nanguli Yesus ka tona nakoyo palena haitu, “Odomo palemu!” Tona haitu nangodo palena, bo kaliu-liu nabelomo, nasimbayu eva palena sabinggapa.

Matius 9:18

Da notesa i Yesus, nakavamo saito pakeni ri banua petupu ntoYahudi. Nantaputumo ia ri ngayo i Yesus bo nerapi tulungi ante mpuu-mpuu rara. Niulina, “Dako namate anaku mombine. Kamai, kita hau ri banuaku. Tuu paleMiu ri karona ala matuvu mpanjili ia.”

Markus 16:18

Ane ira rateo nu ule atau manginu panginu naracu, ledo makuya-kuya ira. Bo radikara palera ri karo ntona nadua bo tona haitu mabelomo.>>

Markus 5:23

bo nerapi ante rarana mpuu-mpuu, <>

Markus 6:5

Ri ngata haitu ledo nadea kabaraka nipovia i Yesus, aga nompakabelo bara sako-ndua tona nadua ante nombadika paleNa ri karora.

Markus 7:32

Nakava hamai naria bara sako-ndua tona nanggeni ka Ia saito tobongo ledo nasova notesa. Bo ante mpuu-mpuu rarara, niperapira ala i Yesus mombadika paleNa bo mompakabelo talinga ntobongo haitu.

Lukas 13:13

Pade nidikaNa paleNa ri karo nu mombine, kaliu-liu nanoro karona, bo nitoiyanamo Alatala.

Lukas 4:40

Nasolo eo, nadeamo tona nanggeni roara nadua mpengaya ka i Yesus. Jadi i Yesus nombadika paleNa ri karo ntona saito-saito, bo nompakabelo ira.

Suro-Suro 28:7

Ledo nakavao lako ri sia, naria tana i Publius. Ia gubernur levuto Malta. Nitarimana ante damba rara kami bo talu-mbongi kasaena kami nonturo ri banuana.

Suro-Suro 28:9

Nangepepa kajadia haitu, pura-pura tona nadua ri levuto haitu nakava nte i Paulus, bo nipakabelona muni ira.

Suro-Suro 9:40

I Petrus nantudu ira mesuvu pura, pade nantaputu ia nosambaya. Naupu haitu, nitingayona mboa i Tabita bo nanguli, “Tabita, pembangumo!” Naupu i Petrus nanguli ivesia, nibula i Tabitamo matana. Nikitanapa i Petrus, nembangumo ia bo nonturo.

1 Korintus 12:28

Ri tatangamiu sampomparasaya, Alatala nanganggataka tona mantui mpengaya-ngaya bago. Pamulana naria tona nianggatakaNa majadi suroNa. Bo karanduana, naria tona nianggatakaNa majadi nabi mompasimbayu tesa nitarimana lako nte Alatala. Katataluna, naria anu nianggatakaNa majadi guru. Bo naria muni nidekeikaNa pompakule movia kabaraka. Naria nidekeikaNa pompakule mompakabelo dua-dua ntona. Naria nidekeikaNa pompakule mantulungi tona ntanina, naria nidekeikaNa pompakule manggeniaka todea, bo naria nidekeikaNa pompakule motesa basa-basa anu nopuna lako ri Nosa Gasa.

1 Korintus 12:9

Tona ntanina nidekeika nu Nosa Gasa pompakule momparasaya i Yesus nelabi pade biasa. Bo tona ntanina nidekeika nu Nosa Gasa kuasa mompakabelo dua-dua ntona. Bo haitu pura-pura lako nte Nosa Gasa pangane.