Suro-Suro 28:7 - Kaili Ledo

⁷ Ledo nakavao lako ri sia, naria tana i Publius. Ia gubernur levuto Malta. Nitarimana ante damba rara kami bo talu-mbongi kasaena kami nonturo ri banuana.

Suro-Suro 28:7 ပူးပေါင်းရင်းမြစ်များ

Suro-Suro 18:12

Tempo i Galio najadi gubernur ri propinsi Akhaya, toYahudi ri ngata Korintus nasintuvu nangeva i Paulus. Ia nisakara bo nikenira ratangara ri ngayo Gubernur Galio

Suro-Suro 23:24

Pakasadia muni jara rapesavi i Paulus. Kenimo ia bo jagaimo ia pakabelo-belo sampe makava ri ngayo Gubernur Feliks.”

Suro-Suro 28:2

Tona nonturo ri levuto haitu najole mpuu nte kami. Nikadambanakara kami pura-pura ante belo bo nipanakira apu rapanderu kami, sabana naranindi bo nompamulamo nauda.

Suro-Suro 28:6

Nisarumaka ntupu ngata haitu bara mebangga pale i Paulus, bara sampesanika ia madungga bo mamate. Tapi nasaemo nipopeara, ledo nakuya-kuya i Paulus. Nanggita haitu pekirira nabali, bo nisarumakara i Paulus haitu viatamo.

Suro-Suro 28:8

Tempo haitu, tuama i Publius kambale-mbale naturu apa nakokora bo nabunjoro. Jadi i Paulus hau nesua nte ia, nombadika palena ri karo ntotua bo nosambaya. Naliu haitu nabelomo totua.

1 Timotius 5:10

Bo nisani ntonamo pokaingguna nabelo. Jonjona: nipakambasona pakabelo anana, nadamba rarana nantarima torata riara banuana, nijampangina topomparasaya, nitulungina tona nasusa, bo ia nabiasamo novia mpengaya-ngaya anu nabelo.

Ibrani 13:2

Nee makaja raramiu mantarima torata makava ri banuamiu naupa torata haitu ledo nisanimiu, sabana nariamo sanu tona nantarima bo nantande torata ledo nisanira, tano mai toratara haitu malaeka nu Alatala.