Suro-Suro 28:5 - Kaili Ledo

⁵ Tapi i Paulus aga novebataka ule haitu hau ri mata nu apu, bo ledo ntoto nirasaina duana.

Suro-Suro 28:5 ပူးပေါင်းရင်းမြစ်များ

Markus 16:18

Ane ira rateo nu ule atau manginu panginu naracu, ledo makuya-kuya ira. Bo radikara palera ri karo ntona nadua bo tona haitu mabelomo.>>

Lukas 10:19

Jadi, pariaramo! Yaku mombadekei kuasa ka komiu ala rapakulemiu mombajeje ule bo supitole bo mombadagi pura-pura karoso nu balita, bo ledo ria nuapa-nuapa mamala mombakuyasi komiu.

Suro-Suro 28:6

Nisarumaka ntupu ngata haitu bara mebangga pale i Paulus, bara sampesanika ia madungga bo mamate. Tapi nasaemo nipopeara, ledo nakuya-kuya i Paulus. Nanggita haitu pekirira nabali, bo nisarumakara i Paulus haitu viatamo.

Roma 16:20

Kuperapi Alatala, anu nombadekei katuvua nabelo, masalisa mompakaropu kuasa Magau nu Seta bo radekeiNa ka komiu kuasa mombadagina. Kuperapi kabelo rara nTuputa Yesus Kristus bate-batena maria nte komiu.