Suro-Suro 28:4 - Kaili Ledo

⁴ Nikita ntupu ngata ule haitu noloe ri pale i Paulus, nisarumakara i Paulus mamate. Nosimpotesamo ira, “Natantumo tona moitu topepatesi, apa nau ia nasalamamo lako ri tasi, Viata Topotangara ledo mompalamba ia matuvu.”

Suro-Suro 28:4 ပူးပေါင်းရင်းမြစ်များ

Matius 23:35

Haitumo sampe komiu natuvu sii-sii mombatanggu pura-pura raa ntonoa nipatesi, nompamula lako ri pompatesi i Habel anu ledo nasala, sampe pompatesi i Zakharia, ana i Berekia. Ia nipatesi ntotuamiu ri olo Banua nu Alatala bo lanta pesomba.

Matius 27:25

Nesana todea, “Ivesia mamimo! Damo kami bo muli-muli kami manjimbuaka kamateNa!”

Lukas 13:2

Nangepe kareba haitu nanguli i Yesus, “Nee rapekirimiu toGalilea namate haitu sabana dosara nadeapa pade dosa ntoGalilea ntanina.

Lukas 13:4

Toramo tona sapulu uvalu anu namate napara Kola Siloam tempo ira nirumpi nu banua langa. Nee rapekirimiu ira namate sabana nadeapa dosara pade dosa ntoYerusalem ntanina!

Yohanes 7:24

Nee mompakasala tona nangoseaka anu nikita matamiu, tapi nangoseaka kanoana!”

Suro-Suro 28:2

Tona nonturo ri levuto haitu najole mpuu nte kami. Nikadambanakara kami pura-pura ante belo bo nipanakira apu rapanderu kami, sabana naranindi bo nompamulamo nauda.

Suro-Suro 28:3

I Paulus hau nompasiromu tinggu-tinggu kayu bo nidikana ri apu. Da nompadumpu apu, nesuvumo sanggayu ule mpolari lako ri kayu sabana kapane nu apu, bo ule haitu nanteo pale i Paulus.

Suro-Suro 28:5

Tapi i Paulus aga novebataka ule haitu hau ri mata nu apu, bo ledo ntoto nirasaina duana.

Pompakita 21:8

Aga tona naeka mangoseaka Yaku, atau ledo niparasayana Yaku, bo tona nadaa pokaingguna, topepatesi, tona nokainggu nabuga, topedoti, tona nombasomba tupu-tupu ntanina, bo pura-pura topodava, ira pura-pura kana rahuku riara ntasi apu anu navaya ante vatu-vatu colonggata. Haitumo niuli kamatea karongganina.”