Suro-Suro 28:30 - Kaili Ledo

³⁰ Rompae kasaena i Paulus nonturo ri ngata Roma ri banua nisewana mboto. Nadea tona nakava nosinggava nte ia bo nadamba rarana nantarima ira pura-pura.

Suro-Suro 28:30 ပူးပေါင်းရင်းမြစ်များ

Yohanes 1:39

Nesana i Yesus, “Kaimo ala rasanimiu.” Tempo haitu nitasere tinti ampa nggoviana. Jadi hau mpuumo ira randua nanggita ponturo i Yesus. Bo ira nosanggani ante Ia eo haitu.

Suro-Suro 19:21

Naliutaka kajadia-kajadia haitu, i Paulus nonia hau ri propinsi Makedonia bo Akhaya, pade mapola hau ri ngata Yerusalem. Niulina ka roana, “Maupu yaku hau ri ngata Yerusalem, pade hau ri ngata Roma.”

Suro-Suro 24:27

Rompae kaliuna, i Feliks nisambei, bo i Perkius Festus najadi gubernur ri bagia haitu. Tempo nolinja i Feliks, ia madota mangala rara ntoYahudi, jadi nipalambanamo i Paulus riara ntarunggu.

Suro-Suro 28:16

Nakavapa kami ri ngata Roma, nidekeimo loga ka i Paulus monturo ri banua mboto ante tantara saito anu mombajagai ia ri sia.

Suro-Suro 28:29

[Naupu i Paulus nanguli tesa-tesa haitu, toYahudi nompalaisi banua haitu nosinjanai-naimo.]

Suro-Suro 28:31

Ledo nakaja rarana nompopaisani ka ira kareba Poparenta nu Alatala bo nipatudukina muni ka ira kareba i Pue Yesus Kristus. Pura-pura anu nipoviana haitu ledo naria nitagi ntona.

Roma 15:32

Kuperapi muni, ane rapodota nTupu, yaku mamala tou mesai nte komiu ante damba nu raraku, bo kita mamala mosipakavoe rarata.

2 Korintus 11:23

Batua i Kristus ira? Tesaku hitu eva tesa ntogila! Yaku batua i Kristus anu nelabi nabelopa pade ira! Nantamopa pokarajaaku pade pokarajaara! Nasaropa yaku nisuaraka riara ntarunggu pade ira! Yaku nicambu pakandasapa pade ira, bo nadea ngganimo yaku sakidepa namate!

2 Korintus 6:5

Kami niboba bo nisuaraka riara ntarunggu. Todea nonasu nangeva kami, kami nokarajaa ntamo, biasa kami ledo namonjo, biasa ledo nangande.

Filipi 1:13

Pura-pura tantara anu nombajagai banua nu Magau Mbaso bo pura-pura tona ntanina ri sii, nisanira yaku hii nitarunggu sabana yaku nokarajaa ka i Kristus.

2 Timotius 1:17

Tempo ia nakava ri ngata Roma, nielo-elona yaku sampe nikavana.

2 Timotius 4:2

Patolelemo Tesa nu Alatala. Iko kana mompasimbuku mompatolele Tesa haitu nau bara ratarima ntona bara ledo. Popaisani ka tona ane masala pokainggura, onteakamo tona novia dosa, bo pakadidimo rarara mokainggu mabelo. Nee masau raramu mompatuduki ira.