Suro-Suro 28:23 - Kaili Ledo

²³ Jadi nipakatantura eo rakasiromura ante i Paulus. Nanggavapa eo niovora, nadea tona nakava nasiromu ri banua i Paulus. Lako ri mpadondona sampe nggoviana i Paulus nombatesa Poparenta nu Alatala ka ira bo nombatentei pepatuduki i Yesus. Nibacana lako ri Buku Atura Agama nitulisi Nabi Musa bo Buku Nabi-nabi ntanina, ala rasanira tesana nakana bo raparasayara i Yesus mpuu-mpuu Magau Topepakasalama.

Suro-Suro 28:23 ပူးပေါင်းရင်းမြစ်များ

Suro-Suro 19:8

Talu-mbula kasaena i Paulus hau njuu ri banua petupu ntoYahudi ri ngata haitu. Ledo nakaja rarana nombatesa Poparenta nu Alatala bo nosinjula pekiri nte ira. Dotana ala ira momparasaya i Yesus.

Suro-Suro 18:28

Nakuasa mpuu tesa i Apolos sampe nidagina pesanai ntoYahudi ri ngayo ntodea. Lako ri Buku Gasa nipakalantona ka ira i Yesusmo Magau Topompakasalama manusia anu nijanji nu Alatala.

Suro-Suro 26:6

Hitupa yaku neangga ri ngayomiu ri sii ratangara, sabana yaku nanjarumaka Alatala mompakadupa pojanjiNa ka totua kami nggaulu.

Suro-Suro 8:35

Jadi, i Filipus nompasimbayu Kareba Belo i Yesus ka tona haitu nompamula lako ri tesa-tesa nibacana pangane.

Lukas 24:44

Naupu haitu, niuliNamo ka ira, “Hitumo niuliKu ka komiu bara ipia tempo Yaku da naria nosanggani ante komiu. Pura-pura anu niboto nu nabi-nabi nggaulu nantesaki Yaku, kana rapakadupa. Haitumo, anu nitulisi ri Buku Atura Agama nitulisi Nabi Musa, Buku Nabi-nabi ntanina, bo Buku Mazmur.”

Suro-Suro 18:4

Ri eo-eo penonto i Paulus hau ri banua petupu ntoYahudi notesa nosinjula pekiri ante tona nasiromu ri sia, toYahudi bo toYunani. Ia nompasimbuku nanggeni ira momparasaya i Yesus.

Yohanes 4:34

Jadi nanguli i Yesus ka ira, “Mangoseaka dota nu Alatala anu nantudu Yaku, bo mompakaupu pokarajaa niparasayaNa ka Yaku, haitumo kandeaKu.

Filemon 1:2

bo ka todea topomparasaya anu nasiromu nosambaya ri banuamu, bo ka i Apfia sampesuvuta mombine sampomparasaya, bo i Arkhipus, anu nosanggani-nggani nte kami nompasimbuku nokarajaa ka Tupu.

Markus 4:34

Ia bate-batena nompake porapa ane notesa ka todea. Tapi ane nosanggani-nggani ante ana-anaguruNa, ledo nipakeNa, bo pura-pura tesaNa nitenteiNa pakalanto ka ira.

Lukas 16:28

Da nariapa alima sampesuvuku hamai. Tudumo i Lazarus hau mompainga ira ala ira ledo mesua ri ponturo pepandasa hitu.’

Suro-Suro 23:11

Kamaile bongina, i Pue Yesus neangga ri sinjori i Paulus bo nanguli, “Pakaroo raramu. Nipatolelemumo tesaKu ri ngata Yerusalem, ivesia muni tesaKu kana mupatolele ri ngata Roma!”

Suro-Suro 24:14

Tapi yaku kana mompangaku ri ngayomiu, yaku netupu nte Alatala nantuntuni pepatuduki i Yesus. Panguli ntoYahudi gahitu, pepatuduki haitu nasala. Tapi yaku bate-batena netupu nte Alatala anu nisomba ntotua kami nggaulu, bo nomparasaya pura-pura anu nitulisi riara Buku Atura Agama bo Buku Nabi-nabi.

Suro-Suro 28:31

Ledo nakaja rarana nompopaisani ka ira kareba Poparenta nu Alatala bo nipatudukina muni ka ira kareba i Pue Yesus Kristus. Pura-pura anu nipoviana haitu ledo naria nitagi ntona.

Filemon 1:22

Naria vai sangupa kuperapi nte iko, tulungi pakasadia ka yaku ponturo ri banuamu, sabana nisarumakaku posambayamiu pura-pura raepe nu Alatala bo yaku rakabasaka lako ri tarunggu bo mamala mosinggava vai nte iko.