Suro-Suro 28:2 - Kaili Ledo

² Tona nonturo ri levuto haitu najole mpuu nte kami. Nikadambanakara kami pura-pura ante belo bo nipanakira apu rapanderu kami, sabana naranindi bo nompamulamo nauda.

Suro-Suro 28:2 ပူးပေါင်းရင်းမြစ်များ

Matius 10:42

Bo isema-sema nombatulungi topangoseaka Yaku sabana ia mpuu-mpuu nangoseaka Yaku, tona haitu manggava tambona bara maipia. Pariaramo tesaKu hitu, nau aga mombadekei uve ranindi ka saito topangoseaka Yaku anu ledo ria nturona, ia kana manggava tambona.”

Yohanes 18:18

Bongina haitu naranindi. Jadi bara sako-ndua batua bo topojaga Banua nu Alatala nompanaki apu nipanderura ri doyata haitu. Bo i Petrus muni neangga nosanggani-nggani nanderu ante ira.

Suro-Suro 27:3

Kamailena haitu, kapala kami nesampo ri ngata Sidon. I Yulius nabelo mpuu nte i Paulus, sampe nidekeina i Paulus hau nanggita roa-roana ri ngata Sidon ala mamala radekeira ka ia bara nuapa raparaluuna.

Suro-Suro 28:3

I Paulus hau nompasiromu tinggu-tinggu kayu bo nidikana ri apu. Da nompadumpu apu, nesuvumo sanggayu ule mpolari lako ri kayu sabana kapane nu apu, bo ule haitu nanteo pale i Paulus.

Suro-Suro 28:4

Nikita ntupu ngata ule haitu noloe ri pale i Paulus, nisarumakara i Paulus mamate. Nosimpotesamo ira, “Natantumo tona moitu topepatesi, apa nau ia nasalamamo lako ri tasi, Viata Topotangara ledo mompalamba ia matuvu.”

Roma 1:14

Yaku madota mosinggava nte komiu sabana kana kupatolele Kareba Belo ka pura-pura tona ri dunia, ledo nipelisiku bara tona ri kota, bara tona ri bulu, bara toposikola bara ledo.

Roma 14:1

Naria topomparasaya dopa naroso pomparasayara, sampe da naingu rarara pokainggu mbana raoseakara. Tona ivehaitu kana ratarimata ante nabelo, bo nee rapakasala panggavara.

Roma 14:3

Tona nangande mpengaya-ngaya kandea ledo masipato momparitambe tona ledo nangande bau. Bo tona ledo nangande bau, ledo muni masipato manjalai tona nangande mpengaya-ngaya kandea. Sabana topangande mpengaya-ngaya haitu muni nitarima nu Alatalamo majadi todeaNa.

Roma 2:27

Ane ivesia, pokainggu ntona ledo toYahudi nompopakita kasala ntoYahudi. Sabana, kita toYahudi naria Atura agama nitulisi, bo kita muni nisuna tandana kita todea nu Alatala, tano mai kita ledo nangoseaka parentaNa. Ira ledo nisuna tapi iramo anu nangoseaka parenta-parenta riara Atura agama.

1 Korintus 14:11

Tapi ane ledo nisanita batua nu basa nipake ntona, tantu rareketa tosangatana ia, bo ivesia muni kita rareke ntona haitu tosangatana ane raepena basa nipaketa.

2 Korintus 11:27

Nabundumo yaku nokarajaa ntamo. Nadea ngganimo yaku ledo nakapo namonjo, ledo nangande, ledo nanginu. Nadea ngganimo yaku nombatidamaka ara ntai bo nindi bo ledo nagana pakea.

Kolose 3:11

Kita najadi manusia nabaru, jadi domo ria posisalana toYahudi bo tona ledo toYahudi. Tona nisuna nangoseaka ada agama Yahudi bo tona ledo nisuna, nasimbayu ri panggita nu Alatala. Alatala ledo nompelenje bara tosangatana bara toribulu bara batua bara tona ledo nipobatua. I Kristusmo nopoko, bo Iamo nonturo riara ntaita pura-pura.

Ibrani 13:2

Nee makaja raramiu mantarima torata makava ri banuamiu naupa torata haitu ledo nisanimiu, sabana nariamo sanu tona nantarima bo nantande torata ledo nisanira, tano mai toratara haitu malaeka nu Alatala.