Suro-Suro 28:16 - Kaili Ledo

¹⁶ Nakavapa kami ri ngata Roma, nidekeimo loga ka i Paulus monturo ri banua mboto ante tantara saito anu mombajagai ia ri sia.

Suro-Suro 28:16 ပူးပေါင်းရင်းမြစ်များ

Suro-Suro 18:2

Nakava sumai, ia nosintomu ante toYahudi nosanga i Akwila anu nipoanaka ri propinsi Pontus. I Akwila ante bereina mombine i Priskila dako nakava ri ngata Korintus lako ri propinsi Italia. Ira nolinja hau ri Korintus sabana i Klaudius, Magau Mbaso, nomparenta pura-pura toYahudi kana mompalaisi ngata Roma ri propinsi Italia. I Paulus hau nantunggai ira randua,

Suro-Suro 19:21

Naliutaka kajadia-kajadia haitu, i Paulus nonia hau ri propinsi Makedonia bo Akhaya, pade mapola hau ri ngata Yerusalem. Niulina ka roana, “Maupu yaku hau ri ngata Yerusalem, pade hau ri ngata Roma.”

Suro-Suro 2:10

lako ri tana Frigia bo Pamfilia, lako ri tana Mesir bo lako ri tana Libia napara ngata Kirene. Naria muni lako ri ngata mbaso Roma.

Suro-Suro 23:11

Kamaile bongina, i Pue Yesus neangga ri sinjori i Paulus bo nanguli, “Pakaroo raramu. Nipatolelemumo tesaKu ri ngata Yerusalem, ivesia muni tesaKu kana mupatolele ri ngata Roma!”

Suro-Suro 24:23

Naupu haitu niparentana balengga ntantara ala i Paulus batena rajagai. Tapi nau nijagai, ledo nitarunggu ntoto apa nidekeira ia nolipa-lipa sakide bo ledo nitagi roana nakava mantulungi ia.

Suro-Suro 27:3

Kamailena haitu, kapala kami nesampo ri ngata Sidon. I Yulius nabelo mpuu nte i Paulus, sampe nidekeina i Paulus hau nanggita roa-roana ri ngata Sidon ala mamala radekeira ka ia bara nuapa raparaluuna.

Suro-Suro 27:31

Nanggita poviara haitu, i Paulus nanguli ka i Yulius bo tantara-tantarana, “Ane malai ana-anabua kapala hitu, ledo maria tona matau mompajala kapala, bo ledo ntoto maria kita masalama!”

Suro-Suro 27:43

Tapi i Yulius nantagi ira, sabana ia madota mompakasalama i Paulus. Nituduna pura-pura tona natau norabu mokolu motingganavu rara ntasi morabu hau ri kabatana.

Pompakita 17:18

Bo mombine nikitamu haitu nirapaka ngata mbaso anu nomparenta magau-magau ri dunia.”

Pompakita 17:9

Ri sii kita paraluu pekiri manoto. Pitu-angu balengga nu binata nadaa anu nipesavi nu mombine haitu nirapaka papitu bulu nipombabangu ngata. Bo papitu balengga haitu muni nirapaka papitu magau.