Suro-Suro 28:12 - Kaili Ledo

¹² Nolipamo kapala kami sampe nakava ri ngata Sirakusa, bo naturu ri sia talu-mbongi kasaena.

Suro-Suro 28:12 ပူးပေါင်းရင်းမြစ်များ

Suro-Suro 21:7

Lako ri ngata Tirus haitu, kami nokapala sampe nakava ri ngata Ptolemais. Ri sia kami hau mosisani nte topangoseaka i Yesus bo mompapola tabe. Bo kami naturu nte ira sambongi.

Suro-Suro 27:2

Kami nesavi kapala mbaso anu nakava lako ri ngata Adramitium. Kami nesavi lako ri ngata Kaisarea ante patuju mesai ri pesampo-pesampo ri talinti propinsi Asia. Naria muni saitopa tona nomporoa kami, haitumo i Aristarkhus lako ri ngata Tesalonika ri propinsi Makedonia.

Suro-Suro 28:11

Talu-mbula kasaena kami nonturo ri levuto Malta, pade nesavi kapala mompapola polipa kami hau ri ngata Roma. Kapala nipesavi kami nakava lako ri ngata Aleksandria bo nesampo ri levuto Malta nompopea maupu tempo mpoiri. Kapala haitu nosanga “Viata Narapi”.

Suro-Suro 28:13

Lako ri sia kapala kami nomparinjoso ri talinti sampe nakava ri ngata Regium. Kamailena nompamulamo poiri neburu lako ri puluna, bo eo karanduana nakavamo kami ri pesampo Putioli ri propinsi Italia, bo nanaumo kami.