Suro-Suro 28:1 - Kaili Ledo

¹ Nasalama puramo kami nesore ri kabatana, pade nisani kami levuto haitu nosanga Malta.

Suro-Suro 28:1 ပူးပေါင်းရင်းမြစ်များ

Suro-Suro 13:6

Naupu ira noliu njumangu levuto Siprus, nakavamo ira ri ngata Pafos. Ri sia ira nosinggava nte toYahudi nosanga Bar-Yesus. I Bar-Yesus nosanga muni i Elimas riara basa Yunani. I Elimas haitu toposibalimata bo niulina ia nabi nu Alatala, tano ledo nakana. Gubernur ri levuto haitu nosanga i Sergius-Paulus bo ia novega nte toposibalimata haitu. Gubernur haitu tona natau bo nanoto pekirina. Ia nompokio i Barnabas bo i Saulus, apa ia madota mangepe tesa nu Alatala. Tapi i Elimas, toposibalimata haitu, nangeva i Barnabas bo i Saulus sabana ledo nipokonona gubernur momparasaya i Yesus.

Suro-Suro 16:10

Jadi naupu nikita i Paulus haitu, kaliu-liu nanggalivomo kami hau ri propinsi Makedonia, sabana nipekiri kami, Alatala mpuu-mpuu nantudu kami mompatolele Kareba Belo ka tona hamai.

Suro-Suro 27:1

Naupu haitu Gubernur Festus nompakatantu i Paulus bo kami anu nomporoa ia, kana mesavi kapala ntasi hau ri ngata Roma ri propinsi Italia. Jadi i Paulus ante bara sako-ndua tona ntanina anu nitavani, niparasayaka i Yulius, saito balengga ntantara lako ri tantara-tantara Magau Mbaso.

Suro-Suro 27:26

Tapi kapalata hitu magero ngena mombarumpa levuto.”

Suro-Suro 27:39

Naeopa, topompajala kapala haitu nanggita kabatana tapi ledo nisanira kabatana mbana haitu. Nikitara sangu sidu nu tasi ante talintina. Patujura ala kapala nipesavira haitu rapopesampora ri talinti haitu.

Suro-Suro 27:44

Tona ntanina metuntuni mombasaka dopi bo kayu bingga-bingga nu kapala. Ivesiamo kami pura-pura nasalama nesore ri kabatana.