Suro-Suro 27:43 - Kaili Ledo

⁴³ Tapi i Yulius nantagi ira, sabana ia madota mompakasalama i Paulus. Nituduna pura-pura tona natau norabu mokolu motingganavu rara ntasi morabu hau ri kabatana.

Suro-Suro 27:43 ပူးပေါင်းရင်းမြစ်များ

Suro-Suro 23:10

Posinggarau haitu mpuu-mpuu nakanano, sampe tadulako naeka mbelaka raposibitesi ntodea i Paulus. Sia sampe nituduna tantarana mangala i Paulus lako ri tatanga ntodea haitu bo nanggeni ia hau ri asrama tantara.

Suro-Suro 23:24

Pakasadia muni jara rapesavi i Paulus. Kenimo ia bo jagaimo ia pakabelo-belo sampe makava ri ngayo Gubernur Feliks.”

Suro-Suro 27:11

Tapi i Yulius ledo nipangalana tesa i Paulus, nipangalanapa tesa ntopompajala kapala bo tupu nu kapala pade tesa i Paulus.

Suro-Suro 27:3

Kamailena haitu, kapala kami nesampo ri ngata Sidon. I Yulius nabelo mpuu nte i Paulus, sampe nidekeina i Paulus hau nanggita roa-roana ri ngata Sidon ala mamala radekeira ka ia bara nuapa raparaluuna.

Suro-Suro 27:31

Nanggita poviara haitu, i Paulus nanguli ka i Yulius bo tantara-tantarana, “Ane malai ana-anabua kapala hitu, ledo maria tona matau mompajala kapala, bo ledo ntoto maria kita masalama!”

Suro-Suro 27:42

Netaapa kapala haitu, tantara-tantara madota mompatesi pura-pura tona nitavani ala ledo ria saitoa morabu hau ri kabatana bo malai.

2 Korintus 11:25

Talu-ngganimo yaku niboba ntoRoma ante kayu. Sanggani yaku nirempe ntona ante vatu apa ira madota mompatesi yaku. Talu-ngganimo kapala-kapala nipesaviku natala rantasi, bo naria sanggani yaku nonanggo rara ntasi saeo sambongi.