Suro-Suro 27:31 - Kaili Ledo

³¹ Nanggita poviara haitu, i Paulus nanguli ka i Yulius bo tantara-tantarana, “Ane malai ana-anabua kapala hitu, ledo maria tona matau mompajala kapala, bo ledo ntoto maria kita masalama!”

Suro-Suro 27:31 ပူးပေါင်းရင်းမြစ်များ

Yohanes 6:37

Pura-pura tona nidekei nTuamaKu ka Yaku kana momparasaya Yaku, bo isema-sema momparasaya Yaku ledo ntoto Kupoara.

Suro-Suro 27:11

Tapi i Yulius ledo nipangalana tesa i Paulus, nipangalanapa tesa ntopompajala kapala bo tupu nu kapala pade tesa i Paulus.

Suro-Suro 27:30

Tapi bara sako-ndua anabua nu kapala haitu nompasimbuku malai nggalino. Niulira raulurakara talonto lako ri kolu nu kapala, tano sakaya kodi niulurakara hau rara ntasi rapesavira malai.

Suro-Suro 27:32

Nangepe tesa i Paulus, tantara-tantara nopudusi kaloro sakaya kodi bo nipalambara sakaya kodi haitu maave, ala anabua kapala domo mamala malai lako ri kapala mbaso.

Suro-Suro 27:44

Tona ntanina metuntuni mombasaka dopi bo kayu bingga-bingga nu kapala. Ivesiamo kami pura-pura nasalama nesore ri kabatana.