Suro-Suro 27:30 - Kaili Ledo

³⁰ Tapi bara sako-ndua anabua nu kapala haitu nompasimbuku malai nggalino. Niulira raulurakara talonto lako ri kolu nu kapala, tano sakaya kodi niulurakara hau rara ntasi rapesavira malai.

Suro-Suro 27:30 ပူးပေါင်းရင်းမြစ်များ

Suro-Suro 27:16

Tempo kami naave nikeni mpoiri, nalendumo sakide poiri tempo kami noliu sabingga puluna lako ri sangu levuto kodi nosanga Kauda. Tempo haitu nandasa mpuu kami nompasimbuku nombataja mangore sakaya kodi riara nu kapala mbaso. Sakaya kodi haitu biasa nitaja ri puri nu kapala.

Suro-Suro 27:27

Nagana kasapulu pata-mbongina kapala kami niburu mpoiri hau tumai ri Tasi Adria, nitasere natanga bongina, anabua kapala nombarasai kapala domo nakavao lako ri kabatana.

Suro-Suro 27:29

Naupu haitu niulurakara ampa talonto lako ri bagia puri nu kapala ala mompopetaa kapala, apa ira naeka kapala kami mombarumpa vatu oti. Ira nosambaya, nerapi masalisa maeo.

Suro-Suro 27:31

Nanggita poviara haitu, i Paulus nanguli ka i Yulius bo tantara-tantarana, “Ane malai ana-anabua kapala hitu, ledo maria tona matau mompajala kapala, bo ledo ntoto maria kita masalama!”

Suro-Suro 27:32

Nangepe tesa i Paulus, tantara-tantara nopudusi kaloro sakaya kodi bo nipalambara sakaya kodi haitu maave, ala anabua kapala domo mamala malai lako ri kapala mbaso.