Suro-Suro 27:24 - Kaili Ledo

²⁴ ‘Nee maeka, Paulus! Iko kana mapola mantingayo Magau Mbaso. Lako ri kabelo nu Alatala nte iko, pura-pura tona nosanggani-nggani ante iko ri kapala hitu masalama pura.’

Suro-Suro 27:24 ပူးပေါင်းရင်းမြစ်များ

Matius 10:18

Komiu rakeni ri ngayo gubernur-gubernur bo magau-magau sabana komiu nomparasaya Yaku. Haitumo loga nabelo ka komiu motesa pomparasayamiu Yaku ka ira bo ka tona ntanina anu ledo toYahudi.

Matius 10:28

Nee maeka nte tona madota mompatesi komiu. Ira mamala mompatesi karomiu tapi ledo ria kuasara mombanavusaka komiu ri narakaa. Aginapa komiu maeka nte Alatala sabana Iamo nakuasa mompatesi karomiu bo Ia muni nakuasa mombahuku komiu riara narakaa.

Yohanes 11:9

Nanguli i Yesus ka ira, “Saeo sapulu rojaa kasaena. Tona nolipa ri eona, ledo matepasunu vatu kadana, apa nikitana reme anu nombavanta dunia.

Suro-Suro 19:21

Naliutaka kajadia-kajadia haitu, i Paulus nonia hau ri propinsi Makedonia bo Akhaya, pade mapola hau ri ngata Yerusalem. Niulina ka roana, “Maupu yaku hau ri ngata Yerusalem, pade hau ri ngata Roma.”

Suro-Suro 23:11

Kamaile bongina, i Pue Yesus neangga ri sinjori i Paulus bo nanguli, “Pakaroo raramu. Nipatolelemumo tesaKu ri ngata Yerusalem, ivesia muni tesaKu kana mupatolele ri ngata Roma!”

Suro-Suro 25:11

Ane rapana mpuu-mpuu niliunakaku atura-atura bara nipoviaku anu masipato rahuku mate ka yaku, nasadiamo yaku mamate! Tapi pangaduara hitu ledo nakana, jadi ledo naria saitoa mamala mombadekei yaku ka ira. Yaku mekitangara ri ngayo Magau Mbaso!”

Suro-Suro 27:31

Nanggita poviara haitu, i Paulus nanguli ka i Yulius bo tantara-tantarana, “Ane malai ana-anabua kapala hitu, ledo maria tona matau mompajala kapala, bo ledo ntoto maria kita masalama!”

Suro-Suro 27:37

Kadea kami pura-pura riara kapala haitu, roatu pitupulu bo aono.

Suro-Suro 27:42

Netaapa kapala haitu, tantara-tantara madota mompatesi pura-pura tona nitavani ala ledo ria saitoa morabu hau ri kabatana bo malai.

Suro-Suro 27:44

Tona ntanina metuntuni mombasaka dopi bo kayu bingga-bingga nu kapala. Ivesiamo kami pura-pura nasalama nesore ri kabatana.

Suro-Suro 9:15

Tapi nanguli i Pue, “Koimo! Apa nipelisiKumo ia mokarajaa ka Yaku mompatolele karebaKu ka tona ledo noagama Yahudi, ka magau-magau bo ka todea toIsrael muni.

Filemon 1:22

Naria vai sangupa kuperapi nte iko, tulungi pakasadia ka yaku ponturo ri banuamu, sabana nisarumakaku posambayamiu pura-pura raepe nu Alatala bo yaku rakabasaka lako ri tarunggu bo mamala mosinggava vai nte iko.

Yakobus 5:16

Haitumo sabana komiu kana mangaku salamiu, bo mosiposambayaka, ala duamiu rapakabelo. Posambaya ntona nanoa nabisa mpuu.

Pompakita 1:17

Nikitakupa Ia, kaliu-liu nadungga ntuobomo yaku ri ngayoNa mpo tomate. Tapi Ia nombatuu pale ngganaNa ri karoku bo nanguli ka yaku, “Nee maeka. Yakumo hii Pamulana bo Kaupuna.