Suro-Suro 27:21 - Kaili Ledo

²¹ Bara sako-mbongi kasaena, tona riara kapala haitu ledo nangande. Jadi neanggamo i Paulus ri tatangara bo nanguli, “Sampesuvu-sampesuvu! Ane nioseakamiu tesaku bara ipia nanguli nee rapalaikata levuto Kreta, ledo mandasa kita bo ledo marugi ivehitu!

Suro-Suro 27:21 ပူးပေါင်းရင်းမြစ်များ

Suro-Suro 27:12

Pesampo Nagaya haitu ledo mami nabelo rapesampo masae ri tempo mpoiri. Sabana haitu, deanapa topesavi kapala kami nanguli, “Agina malai kita lako ri pesampo hitu bo rapasimbukuta mapola hau ri pesampo Feniks bo mesampo hamai sampe maupu tempo mpoiri.” Ngata Feniks haitu pesampo ri levuto Kreta anu natelendu lako ri poiri ri tempo mpoiri, sabana notingayo bagia tasi mpanau.

Suro-Suro 27:13

Tempona haitu, nompamula naole-olemo poiri neburu lako ri puluna. Haitu sampe nisarumaka nu anabua kapala da mamala kami mapola hau ri pesampo Feniks. Jadi nianggatakaramo talonto kapala, bo kapala nolipa nomparinjoso ri talinti levuto Kreta.

Suro-Suro 27:20

Bara sako-mbongi kasaena, ledo nikita kami eo bara betue, bo poiri muni ledo naole-ole neburu. Kaupuna domo ria panjarumaka kami matuvu!

Suro-Suro 27:7

Bara sako-mbongipa kasaena, kapala haitu aga nompaente nolipa. Nandasa mpuu kami. Nasae pade nakava ri pesampo Knidus. Lako ri sia, domo nipakule kami nompapola polipa kami nantuntuni nia pamulana, sabana peburu mpoiri dopa nabelo. Jadi kapala kami nombaliunaka Uju Salmone hau nomparinjoso ri bivi ntalinti levuto Kreta ri bagia puluna, ala ledo mambela poiri narimboso gaga.